Radio, online – Atu muda diferensia sai oportunidade ida hodi halao dezenvolvimentu hamutuk liu husi komunikasaun politika ida ne’ebe diak, tamba ne’e mak organizasaun CAUCUS Feto Politika servisu hamutuk ho organizasaun KAS ou Konrad Adenauer Stiftung husi Indonesia.
Workshop ba organizasaun feto partidu politika durante loron tolu hahu loron 12 ate 14/4/2012 iha salaun Sao Paulo, Komoro, Dili, ho tema “Peran Perempuan Dalam Pemilu 2012”-Peiningkatan komunikasi politik.
Iha abertura work shop ne’e Julieta Ferreira da Costa, Diretora CAUCUS haktuir ba organizasaun feto partidu politiku katak “ organizasaun feto partidu politiku sira ne’ebe hetan oportunidade atu bele partisipa iha work shop ne’e bele utiliza oportunidade ne’e ho diak hodi ganha esperensia foun hodi kapasita an atu bele sai mata dalan ka modelu foun ba feto maluk iha organizasaun feto partidu politiku atu sai pronto liutan wainhira sai lideransa”.
Reprejentante KAS, Sarah iha nia diskursu loke treinamentu ne’e mos haktuir katak “ Maske treinamentu halao ho lian Indonesia maibe nia espera feto maluk sira ne’ebe partisipa bele kompreiende ho diak no KAS loke oportunidade ida ne’ebe bo’ot ba feto maluk sira atu hato’o perguntas relasi ona ho materia hotu ne’ebe KAS hato’o wainhira feto maluk sira la kompriende materia ruma”.
Filomena de Oliveira Camoins, Vice Sekertaria OMP Partidu CNRT ne’ebe partisipa mos iha work shop ne’e haktuir katak “ Nia kontenti no orugulhu tebes bele partisipa iha treinamentu ne’e tamba nia bele hetan materia ne’ebe diak atu dejenvolve nia kapasidade” e nia konfesa mos katak “materia konsultasaun physikologika mak nudar material interesante tebes ba nia”.
Materia iha loron permeiru ne’ebe haktuir husi KAS mak TEORI MANAJEMEN KONFLIK DAN TEKNIK DEBAT ne’ebe aprejenta husi Roy Tindage.
Iha loron Segundu mak materia kona ba “Kesadaran Diri: Peran dan Kompetisi Perempuan” ne’ebe aprezenta husi JE Prawitasari e iha loron ikus haktuir materia kona ba media handling no press release.
Discussion about this post