Radio, online – Eleisaun Prezidensial ba II ronda hela deit loron nen (6) Segunda dia 16 de Abril 2012. Servisu Tekniku Administrasan Eleitoral (STAE) iha segunda ohin (9/4) distribui dadaun bulletin de votus ba teritoriu tomak.
Iha serimonia distribuisan ne’e, Diretor STAE Tomas Cabral ba jornalista dehan, wainhira halo distribuisaun bulletin de votus ne’ebe bazeia ba kalendariu, hodi nune’e labele hetan failansu. Tamba tuir Diretor STAE foin dadauk bulletin de votus la to’o tuir numeru votantes iha distritu.
Tomas hatutan, konaba seguransa bulletin de votu seguru tuir normais Internasional. “’Hau husu ba media ne’ebe publika labele halo ema ida halo bebeik rumoris dehan bulletin de votus koak. See mak divulga ne’e krime, polisia tenke kaer,”Tomas komenta.
Tuir Tomas, tinta votantes agora iha kualidade diak, tamba brigada muda fali ba masa aqua nian ne’ebe halo tinta la iha kualidade.
Distribuisaun bulletin de votus hetan nafatin ajuda husi helikoptru UN nian, hnaesan iha premeira eleisaun. Total votantes iha numeru nafatin, votantes iha seis sento vinti oitu mil (628.000).
Segundo Komandante PNTL Afonso de Jesus iha fatin distribuisaun dehan, bulletin de votus ne’e determina nasaun. Tamba ne’e apela ba membru PNTL tomak iha teritoriu tenke halo seguransa diak liu tan.
“Tempo sei do’ok maibe tuir lei ne’e ami tenke fo seguransa diak to’o loron votasaun maibe tempo ne’e ami lahate tamba lei dehan halo seguransa ami halao, tempu ami la iha duvidas,”Afonso akresenta.
Entertantu Komisario CNE Martinho Gusmao dehan, konaba seguransa metin. Konaba kritika iha primeru eleisaun ba failansu CNE ho STAE identifika no hadia dadaun ona, karik failansau mosu tan iha II ronda ne’e kestaun umanu.
“Hau hateten katak votasaun atu lao diak prefere ba ita hotu nia responsabilidade. Ita bele dala ruma fiskais sira no partido politiko sira mos lahatene saida mak proseu eleisaun,”dehan Amo Martinho.
Discussion about this post