Radio, online- Komandante Forsa FALINTIL Defeza Timor Leste ( F-FDTL ) Major General Lere Anan Timor firmeza hodi dehan ba ema sira mak atu halo krimi sei tiru kanek ba ospital se lae tiru mate lori ba santa cruz.
“Hau sadik ema see deit ka grupo mak brani hamosu konflito iha eleisaun II ronda no eleisaun parlamentar tenke simu konsikuensia mate ou baisa iha ospital,”dehan General fitun rua ne’e ba jornalista wainhira inagura Quartel Geral F-FDTL no Ministeiru da Defeza Kurta, (3/4).
Lere dehan F-FDTL, atu garatia eleisaun ne’ebe lao diak. Ba see deit mak halo krimi tenke simu konsikuensia tama komarka, baisa iha ospital ka tiri mate nia fatin mak rate.
General ne’e koalia makas ne’e tamba mosu rumoris oin–oin iha publiu katak enter kandidatu Prezidenti Republica Taur ho Lu olo ida lakon sei mosu violensia.
Tamba ne’e Lere fo hanoin ba povo no juventude atu diak liu tenke hametin paz hodi ne’e prosesu eleisaun lao hak matek, lere Dehan nia parte rasik fiar metin katak Lu olo Ho Taur Promete ona enter sira nain rua ida manan no ida lakon sei kontribiu nafatin paz no estabilidade.
Maske Lere koaia hanesan ne’e maibe iha apoiante kandidatu rua ne’e kontinua hamosu provoka malu, sunu uma no estraga kareta. Insidenti sunu uma akontese iha aldeia Halimean Suku Ahik Dilor Lacluta Distritu Manatutu.
Iha Kampaina Kandidatu Prezidenti Taur Matan Ruak liu husi kampaina ba dala tolu iha Quelicai husu ba povu tomak atu iha prosesu kampian II ronda tomak lao ho diak hakmatek ho dame no la iha violensia tenke respeita kandidatu hotu hotu reipenta regras respeita lei ne’ebe orinente prosesu ne’e tomak.
Taur husu atu la lika fiar run moris ka lian anin tun sae labele fo an ba intimidasoens ka violensia. La bele simu hasoru provokasaun oinsa deit maibe fiar metin ba autoridades estado nian
Discussion about this post