Radio, Online – Povu agrikultura no to’os nain Suku Maubara Lisa, Distritu Liquica husu ba governu halo lei ba rai nian hodi garante povu nia direitu.
Povu Maubara Lisa haman-an iha organizasaun Movimentu Popular ba Reformasaun Agraria (MPRA).
Porta Voz MPRA liu husi konferensia da emprensa (30/3) iha Aldeia Vatubili suku Maubara Lisa dehan, rai nain no to’os nain komposto husi Aldeia Fatugili, Daru Lema, Batulete deklaran katak to’os nain laoi sai atan no bainaka ba nia suku rasik. To’os nain lakoi lakon direitu ba rai.
“Ami kontra sistema neoliberalismu tamba durante ne’e familia Gil Alves koko atu oku pa rai ne’e baa mi povu suku Maubara Lisa,”dehan Jacinto.
Tuir Ko’ordenador, Gil Alves aktutal Ministru MTCI hamutuk ho nia familia Xinsum agora Timor ukun an sira dehan rai iha suku Maubara Lisa sira mak direto ba rai ne’e.
Ho ida ne’e MPRA husu ba governu atu lalika fo rai tomak iha suku Maubara Lisa ba ema Xina ne’ebe lao husik hela TL , depois TL ukun an sira mai atu foti rai hirak ne’e.
Ami nia rai, ami hela iha suku Maubara Lisa tinan 30 ona. Ami husu baParlamentu Nasional atu resolve probelema ne’e tamba ema estranjeiro koko atu hadau rai husi ami,”dehan Manuel da Silva hanesan rai nain.
Iha sorin seluk Xefi Suku Maubara Lisa, Rui Manuel dehan, tuir istoria uluk rai ne’e ema hotu bele utilize, maibe ikus mai malae ne’e hakarak halo tara bandu, maibe povu iha ne’e lakoi no Ministru Gil Alves mos atu loke instalasaun tua iha ne’e maibe povu iha ne’e lakoi tamba ho intereses atu hadau rai ne’e hodi fob a ninia familia Xinsum.
“Hau ukun povo no rai hau tenki defende hau nia povu. Tamba akadiro ho ai horis sira iha ne’e laos ema mak kuda maibe ne’e moris rasik. Ne’ebe ami defende katak rai ne’e laos ema ida nian maibe partenese ba suku Maubara Lisa,”dehan Xefi suku.
Partisipa Iha Preskonferesia ne’e Husi ONG rede ba rai, uniaun Agrikultura Ermera Komunidade Aldei 5. Observasaun rede ba rai fahe mos informasan probele rai ne’e ba komunidade serimonia ne’e fasilita husi Kdadalak Sulimutuk Institute ( KSI )
Discussion about this post