Radio, online – Liu husi konferensia da emprensa Kandidatu Prezidensial Taur Matan Ruak (TMR) Domingu, Taibesi Dili, (18/3) fo louva ba povu Timor oan hotu mak fo votus ba nia iha eleisaun foin lalais ne’e.
“Hau aproveita oportunidade ida ne’e lori hau nia familia nia naran, hau nia ekipa susesu nia naran agradese ba apoiantes hotu-hotu sira neebe mai husi partidus politikus, organizasoens sosiadade sivil nian e hatete ba sira hau louvadu e orgulhu tebes no obrigado ba sira hotu nia apoiu,”dehan Taur iha nia sede ekipa susesu.
TMR hatutan, husu ba povu tomak atu kontinua hein nafatin rezultadu final neebe sei mai iha loron hat ka tolu oin mai.
Fidelis Magalhaes nudar porta voz geral da ekipa TMR dehan agora dadaun ekipa susesu sei update kona ba rezultadu provizoriu ne’ebe mak fo sai husi kanal TVTL ne’ebe servisu hamutuk ho CNE-STAE. Nomos komfirma ba fiskais TMR nian iha distritu 13 nia laran.
Iha konferensia ne’e mos TMR dehan, kondisaun ne’ebe lao pasifiku tebes. “Ita fo parabens ba ita nia povo mas laos deit ba povo Timor Lorosae mas parabens mos komunidade Intenasional tamba fo sira nia tulun no sai observador ba prosesu tomak iha eleisaun prezidensial ne’e.
Atu taka TMR dehan ba nia ekipa susesu sira katak, rezultadu saida deit maka sei maii, ne’e demokrasia Timor Loro Sa’e maka manan. Kandidatu hotu-hotu inklui hau nia kandidatura pronto para kontinua kopera nafatin parke eleisaun ida ne’e kontazen ida ne’e bele to’o rohan diak liu tan.
Discussion about this post