Radio, online – Rezultadu provezoriu Kandidatu Prezidensial Taur Matan Ruak (TMR) manan iha Suku Metiatu no suku Kolmera. Iha Suku Metiaut TMR manan ho votus 382, Lu-Olo 125, Ramos Horta 170 no La Sama 34. Total validu 772, invalidu 228 branku 6, no nulu 31.
Iha suku Kolmera TMR ho votus 305, Lu-Olo 157, Ramos Horta 105 no La Sama 108. Total validu 744, nulu 17, branku 3. Restu buletin de votus iha 434 husi total buletin de votus 1200.
Tuir prezidenti da meja suku Kolmera Alarico Moreira ba www.radioliberdadedili.com Votus ne’ebe mosu nulu (la vale) mai husi votantes sira mak tu dala barak. Votantes sira tu ba kandidatu rua ho tolu. Ne’e la vale. Iha votantes balu la tu liu.
Iha sentru votasaun suku Kolmera sura lao diak tamba fiskais sira ema mesa kompresaun deit, ne’ebe la iha protesta konaba kontazen ne’e.
“Ami iha ne’e hahu eleisaun situasaun hahu husi eleisaun mai to’o kontazen laiha problemas, lao normal,” Alarico konfesa.
Tuir reportazen husi jornalista Acasio Pinto iha fatin votasaun eskola primari (SD Xina) TMR manan ho votus 213, Lu-Olo 180, Ramos Horta 78 no La Sama 48.
Discussion about this post