Radio, online – Parlamentu Nasional (PN) liu husi plenaria estraordinaria halo alterasaun ba lei eleitoral, iha artigo 26 tamba preokupa konsidaun Kandidatu Prezidenti (Kaprez) Francisco Xavier do Amaral ne’ebe baisa iha Hospital Nasional Guido Valadares (HNGV) ne’ebe iha kondisaun grave ‘koma’.
Tuir lei eleitoral artigo 26 dehan katak wainhira Kaprez ida mate iha prosesu kampaina eleitoral, prosesu eleisau hahu fali iha inisiu. Hare ba kodisaun Proklamador nian ne’ebe kritiku no estadu labele lakon estadu no kondisaun poliiku tenki lao ba oin, Prezidenti Republika Jose Ramos Horta ejiji ba PN atu altera lei refere.
Plenaria estraordinaira ne’e iha Kinta, (1/3) ho votus unamidade hodi dehan makes iha Kaprez ida mate prosesu eleisaun tenki lao ba oin. Tuir planu, PN aprova lei ne’e PR Horta sei promulga inmediatu.
Deputadu PSD Mario Viegas Carascalao dehan, PN tenki altera duni lei eleitoral tamba tuir Carascalao nia hare ema balun aproveita popularidade Xavier nian atu hetan pozisaun.
Depois promulgasaun altera lei eleitoral inmediatu husi Prezidenti da Republika Jose Ramos Horta husu ba ekipa susesu Xavier nian atu para ona kampaina eleitoral.
“Hau husu ba referendu Arlindo Marcal hanesan mos padre diak liu laika lao tun sae, maibe iha ospital reza ba avo Xavi nia saude atu rekopera,”Horta apela.
Iha PR Horta nia vizita ba avo Xavi ninia isin komesa ki’ik ba bebeik. Horta husu ba povu tomak atu reza ba Proklamador ne’e, liliu iha tempu Paskoa ne’e.
Maske kondisaun Avo Xavi nia koma hela, maibe ekipa susesu ne’ebe lidera husi Hermegildo Kupa no Arlindo Marcal kontinua halao kampaina eleitoral premeiru iha Sub-Distritu Remiso no segundu dia iha Distritu Manufahi, Same vila.
Discussion about this post