Radio, online – Comisaun Nasional de Elisoens (CNE) halao seremonia asinatura ba paktu eleisaun pasifiku tinan 2012 no Debate Politikuu hosi Kandidatura Prezidente (Kaprez) nain 12. Kaprez Francisco Xavier do Amaral la marka prezensa tamba kontinua halo tratamentu saude iha VIP Hospital Nasional Guido Valadares (HNGV).
Debate kuaze oras rua ne’e halao iha Centru Convensaun Dili, Tersa (28/02). Iha debate ne’e marka prezensa hosi Reprezentante Espesial ONU nian iha TL Amerah Haag, Primeiru Ministru Kay Rala Xanana Gusmao, lian nain hosi distritu 13 nomos sosiedade sivil Internasional no Nasional.
Antes atu tama iha serimonia asinatura ba Paktu Eleisaun Pasifiku 2012 no debate politiku hosi Kaparez sei halao uluk serimonia lok buah malus lia nain hosi 13 distritu ne’ebe CNE simu hosi lia nain sira hodi fo ba iha Kaprez ididak tuir numeru sorteiu ne’ebe hili tiha ona.
Serimonia ida ne’e hanesan hodi komprementa-an iha TL nia futar oin ba ididak nia partido katak hadomi TL hanesan hadomi nia an rasik. Serimonia ne’e hanesan refleksaun ba mehi hari estado ba povo no erois sira hodi bele hametin liu tan sentimentu nasionalismo no patriotismu molok atu hahu kampaina
Depois lok buah malus Kaprez nain 12 ba periodu 2012-2017 asina ba paktu eleisaun pasifiku 2012. Lok buah malus ba partido plitikus sira depois halao debate politiku hosi ne’ebe modeira hosi Komisariu Pe. Martinho Gusmao.
Iha debate publiku ne’e kandidatura prezidenti periodi tinan 2012- 2017 hateten sai ba publiku kona ba sira nia motive sai kandidatura prezidenti republika hakarak hadia povo nia moris, justisa dame no estabilidade hodi nune’e dezenvolvimentu bele lao iha TL.
Komisariu CNE Pe.Martinho Gusmao husu perguntas konaba motivasaun saida maka dada ita bo’ot sira sai kandidatura prezidenti republika ,oinsa politika no programa wanihra eleitu nudar Xefi estado programa saida kona ba feto no labarik no mos oinsa kontribuisaun ba estado ida ne’e wanhira eleitu sai prezidenti.
Hatanba perguntas hirak ne’e Kaprez Jose Ramos Horta hateten katak, “hau nia motivasaun ne’ebe iha tinan 1975 simu todan ba liur, diretiva mai hosi primeiru konselho ministru,” Horta konfesa
Kaprez Francisco Guteres Lu-Olo dehann motivasaun hau nia para lori hai sai kandidatu hodi garantia paz no estabilidade no dezenvolvimentu ba ita nia rai.
Kaprez, Maria Do Ceo Lopes motiva hodi haforsa tan politika nasaun ne’e nian kona ba igualdade generu.
Rogerio Tiago Lobato motiva atu halo timor oan hamutuk moris iha justisa no demokrasia nia laran. Kaprez, Francisco Gomes atu rezolve problema loro sa’e loro monu.
Angelita Pires dehan, motivasuan kandidatu ne’e hodi defende ba justisa tamba justisa nia hare lao ladun diak ba povu ida ne’e. Ema ki’ik no kiak mak lei kona maibe ema bo’ot sira livre hosi lei.
Manuel Tilman Atu lori povo hosi nakukun ba naroman hosi beik ba matenek hosi kiak riku.
Kaprez Taur Matan Ruak, iha razaun rua ne’ebe lori hau kandidataan primeiru dignifika timor oan sira. Segundu servisu ba prosperiedade nasaun TL nia.
Lukas Da Costa hau hakarak defende halo lao konstituisaun no halo lao orgaun soberania sira seluk. No ikus liu, Kaprez Fernando Lasama espiritu atu servi povo no nasaun.
Discussion about this post