Radio, online – Editor ho jornalista Timor Leste kompostu hosi Radio Televisaun no jornal nasional nomos radio komunidade kompostu ema nain 76 simu sertifikat hosi Sekretariu Estado Konselho Ministru (SEKM) ne’ebe organiza workshop loron tolu horseik iha Otel Excelsior Resort, Pantai Kelapa (20-22 de Fevereiru.
Iha enseramentu Workshop ne’e Secretariu Estado Konselho Ministru Interino Avelino Coelho hateten katak iha Timor-Leste iha liberdade imprensa.
Avelino Coelho afirma katak konselho midia nia sei hato’o preokupasaun no rekomendasaun jornalista sira nian kona ba konselho midia. Liberdade imprensa iha TL tamba iha realidade la iha intervensaun hosi estado ba liberdade imprensa.
Katak nia workshop ne’e atu fo kapasitasaun matenek esperensia atu hari’I nasaun ho solidaritas no kultura ida ke diak importante dezenvolvimentu ba nasaun .
Nia salient liu tan katak, hakarak hili vida jornalista entau to’o mate mos nafatin jornalista ida ne’e maka hatudu katak,jornalista ida lolos laos sai tiha jornalista ba servisu fali ba kompanha seluk ne’e laos midia.
Diretor Geral SEKM Vitor Maia iha ninia deskursu hato’o obrigado barak ba jornalista no editor sira nia partisipasaun durante loron tolu nia laran ho pasiensia tebes ho didikasaun iha fatin ida ne’e atu bele rona ka simu material hosi ita nia oradores hosi Indonesia .
Director Geral ne’e hatutan, materia sira ne’ebe hetan hosi oradores sira hosi Indonesia no Filipina karik buat sira ne’e ita bot sira bele aproveita ba moris lorloron nian hanesan jornalista no editor buat ne’ebe importnate ba ita bo’ot sira nia vida professional .
Representante Radio komunidade Oe-cusse Peger de Fatima fo agrade tebes ba Secretariu Estado Konselho Ministru ne’ebe kria ona tempu ba Jornalista sira atu bele hasae kapasidade no mos oderador sira ne’ebe laos baibain maibe ho koinhesementu servisu ne’ebe tinan barak ona.
“Ami sei aumenta tan ammi nia skill no prfisaun ne’ebe diak liu tan, atu servi nasaun TL diak liu tan iha area Midia nian,”dehan ho esperensa.
Iha oportunidade ne’e mos nia husu ba SEKM sei bele karik ajuda ami nia instituisaun midia sira para bele aselera prosesu ida bele hari lalais ami nia konselho midia no mos bele tenta tama iha Parlamentu Nasional tamba ami nia lei ne’e hatama kleur ona maibe sidauk hetan aprova.
Iha parte seluk representante Jornalista Domingos Saldanha sente agradese barak ba SEKM ne’ebe organiza workshop ne’e tamba aprende buat ida la sukat tempu, idade no hanoin maibe kuandu hakarak aprende tenki aprende tamba aprende atu uza no utiliza.
Discussion about this post