Radio, online – Diretor Sekertariu Tekniku Administrasaun Eleitoral (STAE) Tomas Cabral fo sai katak, ba jornalista Nasional ho Internasional laiha karta kredensial husi STAE sei la autoriza kobertura prosesu tomak iha eleisaun prezidensial no parlamentar.
“Hau apela ba kolega jornalista sira husi Nasional no Internasional tenke hetan karta kredensial husi STAE mak bele halo kobertura iha prosesun elisaun rua ne’e,”dehan Tomas iha workshop ne’ebe organiza husi Sekertariu Estadu Konselhu Ministru durante loron tolu iha otel Exelesior Resort Tersa, (21/2).
Iha workshop ne’e Diretor STAE lori materia ho topiku “Kampanha no kobertura ba eleisaun prezidensial 2012″.
Iha biban ne’e Editor husi jornal Independente Gaudensiao Figueredo la satisfas ho kodiku konduta ne’ebe CNE fo sai katak, jornalista atu fo sai informasaun ba publiku tenki hetan lisensa husi Prezidenti da meja iha sentru votasaun. Lei ne’e kontra tebes liberdade imprensa ninian.
“Hau hare lei ne’e hanesan hamate knar jornalista atu halao kobertura. Ida ne’e hanesan halo sensura ba notisias jornalista nian antes fo sai ba publiku. Lei ne’e kontra tebes kode etika jornarnalista ninian,”Gaudensio lamenta.
Responde ba asuntu ne’e Diretor STAE dehan, laos asuntu hotu tenki husu lisensa husi prezidenti da meja, maibe importante mak iha kontazen ne’e tenki husu ba Prezidenti da meja konaba rezultadu kontazen de votus, atu nune’e labele halo kofuzaun konaba kandiatu nia votus.
Tomas fo ezemplu, iha sentru votasuan ida se’e jornalista la komfirma ho prezidenti da meja bele hamosu konfuzaun ba votus. Ida ne’e laos ba media hotu, importante liu mak media radio ho televizaun. Konaba media imprimi sei diak liu tamba notisias ne’e sei hatun iha loron aban.
Discussion about this post