Radio, online – Bazeia ba kalendariu STAE nian iha loron Segunda, dia 20 de Favereiru sei halo sorteiu ba Kandidatu Prezidenti (Kapres) 13. Liu husi sorteiu hodi nune’e votantes sira bele hatene Kaprez ninia numeru hodi nune’e iha eleisaun bele halo kampaina.
“Sorteiu halao tiha, depois STAE sei hato’o modelu buletin de votus ba CNE atu aprova hodi ne’e sei imprimi buletin de votus iha grafika nasional,”dehan Diretor Geral STAE Tomas Cabral ba jornalista iha nia servisu fatin, foin lalais ne’e.
Iha oportunidade ne’e Tomas husu ba Kaprez no ekipa susesu ba Kaprez sira tenki mai iha STAE loron Segunda tuku 10:00 otl, tenki lori foto hodi nune’e tau iha buletin de votus.
Tuir lei Kaprez sira mak hili sira nia foto mak mai hatama iha STAE. Alede ne’e mos aprezenta fiskais husi kada Kaprez nomos aprezenta perfil Kaprez ididak ba iha STAE hanesan arqivu.
Koresaun:
Iha Titlu dia 20 de Fevereiru sorteiu Kaprez ne’e la los, tamba failansu redasaun. Tuir Lolos dia 21 Fevereiru Sorteiu ba Kaprez. Obrigadu.
Discussion about this post