Radio, online – Iha tempu UNTAET nian bolu naran proejtu limpeza ho naran $3. Iha governu AMP nia mandatu atu remata, governu liu husi Sekertariu Estadu Formasaun Professional Empregu (SEFOPE) sei implementa projetu ne’e iha distritu 13. Projetu ne’e sei hahu iha fulan Marsu 2012.
Tuir SEFOPE Bendito Freitas, hahu tinan 2009-2011 komunidade barak mak hatama proposta ba iha SEFOPE atu loke estrada no hamos bairo. Ba tinan ne’e governu sei implementa proposta ne’e hodi responde povu nia hakarak.
“Ohin ami konvida Administrador Distritu hotu-hotu atu hare konaba prioridades iha suku laran ne’ebe sei fo benefisiu direita ba komuidade sira hanesan osan nomos projetu ne’e rasik,”dehan Bendito wainhira enkontru ho Administrador Distritu 13, Obras Publik, MAEOT, Ministeriu das Finansas no Komandante Operasaun PNTL iha salun SEFOPE Kuatra, (8/2).
Bendito afirma liu tan, iha politika implementasaun empregu rural ba osamentu geral estadu 2012, SEFOPE involve Administrador Distritu atu bele halo diskusaun teknika depois fila ba Distritu hodi halo kordenasaun hamutuk Administrador Sub-distriru ho Xefi suku.
Ba projetu empregu rural ne’e liu husi orsamentu 2012 ho total 20 milioens dollar Amerikanu.
SEFOPE husu halao projetu ne’e tenki iha kordenasaun ida ho efektivu tebtebes komesa husi nivel nasional to iha distritu.
Programa empregu rural hanesan loke estrada foun servisu rasik husi komunidade, hamos valeta nomos halo merkadu mini. Inisiativa hirak ne’e bele tulun komunidade sira iha area rurais.
Discussion about this post