Radio, online – Relasiona ho loron Heroi 7 Dezembru hanesan loron invazaun Indonezia hodi okupa TL durante 24 anos. Refleksaun ba loron ne’e Deputadu husi Fretilin no CNRT ejiji ba militar Indonezia atu entrega mate isin saudozu Nicolau Lobato.
Deputado Fretilin Joaquim Amaral dehan, tinan ida ne’e hanesan, tinan ikus ba governu AMP.
Ho oportunidade ne’e oinsa governu hanoin tau atensaun maximu hodi husu hikas ruin saudozu Nicolau Lobato ne’ebe hetan tiru mate iha dia 31 Dezembru 1978iha Mindelo, Turiscai, Sub-Distrtitu Maubisse, Distritu Aileu.
Depois ho mate Nicolau Lobato sai notisias bo’ot ba Indonezia no povu Timor. Media Indonezia iha momentu ne’eba foti topiku hanesan “The news of the year”. Mate isi militar TNI sira mak halot. “Ho loron hanoin ba invazaun ne’e ami husu ba lider TNI sira atu liu husi relasaun diak ne’e atu fo hikas ami nia heroi bo’ot ne’e,”Joaquim espera.
Deputadu ne’e espera katak, see Indonezia sira mak entrega ruin saudozu Nicolao nomos David Alex “Daitula” ba oin amizade nasaun rua ne’e sei metin liutan.
Deputadu CNRT Arao Noel husu ho haraik-an militar Indonezia bele entrega mate isin heroi sira mak mate ba nasaun ne’e nian, liliu ba Eis Premeiru Ministru Nicolau Lobato no Guerileirus David Alex.
“See entrega ruin heroi sira, ami sei halo’ot tuir tradisaun no kultura. Importante mak iha Indonezia iha vontade atu hatudu hodi entrega ruin heroi sira,”nia skresenta.
Atu realiza mehi povu no Deputadu hirak ne’e, governu tenke kontinua halo negosiasaun atu Indonezia bele interga mate ruin ne’ebe durante ne’e seidauk hetan
Discussion about this post