Radio, online – Sekertariu Estadu Eletrisidade Aqua no Urbanizasaun (SEEAU), Januario Pereira tristi bo’ot ba hahalok komunidade balun iha Kaikoli ne’ebe tesi ai hodi no halo kona ba fiu eletrisidade hodi fo impaktu iha bairo Kaikoli ahi mate.
“Hahalok ne’e hanesan sabotase, ne’ebe hau haruka polisia atu kontrola ba komunidade hotu atu labele tesi ai arbiru besik iha fiu. Diak liu kontaktu ba fungsionairu EDTL sira,”dehan Januario ba wainhira partisipa selebrasaun proklamasaun RDTL ba dala XXVVI (36) Segunda, (28/11) iha palacio Prezidensial.
SEEAU ne’e hatutan, Iha loron segunda, (28/11) oras 9:20 otl komunidade Kaikoli nai rua ta’a ai iha SEFOPE oin hodi hanehan fiu eletrisidade fo impaktu ba konsumedores iha Dili laran tamba ahi mate hotu .
Januario senti tristi ba hahalok komuniade balun ne’ebe impede konsumedores tamba ta’a ai matan dukur hodi hanehan ba fiu eletrisidade hodi prejidika fali komsumedores sira iha Dili laran.
Tamba ne’e, Januario husu ba komunidade ne’ebe besik iha lina detensaun atu ta’a ai karik kontaktu ba teknika EDTL mak mai tesi ai. Impaktu ne’e lina fidel tres mate hotu, hahu husi Komoro to’o Tasi- tolu. Ahi mate ba fatin importante hanesan ospital HNGV ho Palasio governu.
Komandate Polisia Distrito Dili Pedro Belo iha fatin akontesemento ne’e mos hateten katak, suspeto nai rua ne’e Poliai kaptura iha nia rejidensia no agora iha ona sela hodi halo investigasaun.
“suspeito nai rua mak ami kaer ona ne’e ida uma nain no ida uma nain haruka ta’a ai ne’e ami sei halo investigasaun,”dehan Pedro Belo.
Discussion about this post