Radio, online – Programa governu AMP hodi hemenus kiak no mukit iha TL hodi hari uma 5 kada aldeia. Kriteria uma 5 ne’e sei atende ba sidadaun ne’ebe tama iha riksu kiak no mukit. Antes tinan ne’e remata programa ne’e komesa realiza ona, Aldeia Batugade husi Sub-Distritu Balibo, Bobonaro komesa realiza ona uma 5 ne’e.
Lia hirak ne’e hato’o husi Diretor Ajensia Dezenvolimentu Nasional (ADN) Daniel Marcal ba radioliberdadedili.com iha uma fukun Parlamento Nasional Tersa,(15/11) hafoin partisipa iha debate Orsamento Geral do Estadu (OGE) 2012.
Diretor ADN ne’e hatutan, projetu hari uma lima iha kada aldei ne’e komesa ona husi Batugade komesa ona dudu rai no hahu konstruksaun. Iha Distritu Manufahi identifika ona rai tamba ne’e iha tinan ida ne’e antes de Dezembru uma 5 ba aldeia balun remata ona. Iha tinan oin mai ho orsamentu 2012 kontinua nafatin to’o aldeia iha TL laran tomak hetan hotu uma 5 ba xefi familia nain 5.
Daniel mos klarifika lolos katak, uma 5 ba aldeia iha TL hetan kontruksaun husi kompanha nasional. Laiha kompanha Internasional halo uma 5 ne’e.
“Ita nia kompanha lokal mak jere uma 5 ne’e, laos kompanha estrajeiro maibe material ne’e mak mai husi rai liur, tamba TL seidauk iha material ba kontruksaun,”nia konfesa.
Tipo uma ne’e iha rua mak tipo 50 no tipo 36 ba familia bo’ot ba iha tipo 50 kiki iha 35 .
Governu kordena nafatin ho kompanha tenke tau fasilidade kompletu kada uma hanesan halo sintina diak, hatama be’e mos no monta elektrisidade no sasan sira seluk tan.
Iha parte seluk Depuatdo Bankada FRETILIN Arsenio Paixaun Bano uma 5 ne’ebe atu halo ba povu iha kada aldeia sala bo’ot wainhira uza kompanha husi rai liur no servisu nain husi rai liur hotu.
Kestaun agora dadaun ba problema rai seidauk rezolve lolos. Iha kuaze distritu hotu sei infrenta ba kazu rai.
‘Ita nia povu sai hanesan penonton deit. Hau sujere uma lima ne’e povo sira rasik mak hari atu sira bele sente katak uma ne’e sira nian,”Arsenio sujere.
Discussion about this post