Radio, online – Organizasaun Popular da Munlher Timor (OPMT) Distritu Dili delega ninia membru ida hodi ba tuir treinamentu konaba feto involve iha politika, iha Cambera, Australia. Tema sentral ne’ebe ba treinamentu ne’et “Hametin Kapasidade Feto Hodi Hadia Partisipasaun No Representasaun Feto Iha Foti Desizaun”.
Konselu Kordenador OPTM Distritu Dili Marquita Soares ba radioliberdadedili.com liu husi komunikadu da empresa Segunda, (14/11).
Komunikadu ne’e hateteten, atu promove partisipasaun feto iha vida politika laos generu mak odamatan maibe kapasidade. Nune organizasaun popular da Munlher Timor (OPMT) distritu Dili delega ninian membru ida hodi partisipa iha treinamentu feto iha politika periodu 2011 iha Cambera, Australia, haktuir Mariquita
Objetivu prinsipal husi treinamentu ne’e maka hametin kapasidade feto sira husi rejiaun Asia no Pasifiku ne’ebe servisu ho hanoin atu hadia representasaun feto nian iha nivel hotu-hotu iha politika no foti desizaun, dehan nia.
Tamba ne’e OPMT ne’ebe hanesan organizasaun feto dahuluk ne’ebe harii hamutuk ho partidu FRETILIN sai hanesan komponenti importante ba sosiadade ida ne’e tenki hatudu no loke odamatan ba ema hot-hotu, iha kapasidade organizativa no kapasidade natoon hodi hadia partisipasaun feto nian iha foti desizaun, hatutan Mariquita
Alein de ida ne’e kamarada Mari Alkatiri iha abertura konferensia nasional OPMT foin lalais ne’e haktuir mos katak Ita labele hanoin atu liberta povu se ita laiha korajen atu liberta feto maluk sira husi opresaun bar-barak hanesan sosiadade, administrasaun no politika.
Treinamentu ne’e rasik organiza husi Centre for Democratic Institute (CDI) kada tinan. Tuir planu treinamentu refere sei halao iha loron 23 Novembru too 1 Dezembru 2011 iha Universidade Nasional Australia, Camberra.
Husi aplikantes nain 136 ne’ebe hatama sira nian aplikasaun ba CDI ikus mai disidi no hili deit ema nain 20 maka merese atu partisipa iha treinamentu ne’e. Ema nain 20 ne’e kompostu husi nain 4 husi Timor-Leste inklui membru OPMT, nain 8 husi Indonesia, nain 4 husi Solomon Ilands, nain 2 husi Fiji no nain rua tan husi Vanuatu.
Komposizaun partisipante sira ba treinamentu periodu ida agora (2011) reprezenta interese no esperiensia oioin inklui hanesan feto sira ne’ebe halao no iha pozisaun politika, halo advokasia hodi hadia representasaun feto iha politika no ajente ba mudansa iha partidu politiku.
Discussion about this post