Radio, online – Estudante husi Universidade Nasional Timor Lorosa’e (UNTL) husu ba UNMIT hodi responsabilidade ne’ebe hatama kilat musan ilegal ho kuantidade kontentor 2, liu husi portu Dili.
“See laiha solusaun kilat musan Ilegal ne’ebe hatama husi UNMIT, ami estudante UNTL sei halo asaun pasifika iha kapital Dili,”dehan Konselu Senado UNTL Romeu Verdial liu husi konferensia da emprensa Segunda, (19/9) iha kampus UNTL.
Iha deklarasaun ne’e, estudante UNTL ejiji ba UNMIT atu klarifika lolos ba Xefi Governu Kay Rala Xanana Gusmao hanesan Ministru Defeza no Seguransa.
Tuir Xefi Governu kilat musan kontentor rua hatama mai iha Timor Leste laiha koinesimentu hodi konsedere hanesan ilegal no iha iha indikasaun atu hamosu instabilidade ba nasaun ne’e.
Estudante mos sentri tristi ba Prezidenti da Republika Jose Rmos Horta hanesan sai fali pota voz UNMIT nian hodi hato’o stetmentu la han malu ho xefi governu. PR Horta dehan fali UNMIT laiha hanoin atu hatama kilat musan ho kuantidade bo’ot.
“Ami husi ba estadu atu kria ekipa independente hodi investiga ba kazu ne’e, tanba kazu ne’e halo povu sai trauma. Ami husu atu kazu ne’e tenki fo sai ninia rezultadu ba povu husi parte governu nomos UNMIT. Tebes ka lae? Kilat musan kontrentor 2 mai iha TL,”Romeu komenta.
Hanesan foin lalais ne’e Xefi UNMIT Amerah Haq iha Fongtil dehan UNMIT la hatama kilat musan mai TL.
Responde ba deklarasaun Xefi UNMIT nian ne’e, Xefi Governu husu ba UNMIT tenki onestidade fo sai buat ne’ebe mak husi parte Alfandega no Polisia Unidade Maritima hetan iha portu Dili.
“Hau husu ba UNMIT sira tenki fo sai buat ne’ebe lolos, hau laos halo rumoris iha hau nia povu nia oin,”dehan Xanana ho firmi.
Iha fatin hanesan estudante Afonso Ramos ho novidade kilat musan ilegal ne’ebe deskonfia hatama husi UNMIT, tanba hare ba situasaun iha sei frazil hela.
Estudante ne’e husu ba ONU ho staff tomak iha UNMIT atu labele kosedera Timor Leste hanesan nasaun sira iha kontinental Afrika. Hanesan nasaun Rwanda, Nigeria, Kosovo, no rai seluk tan.
“Ita hatene katak UNMIT nia mandatu hotu iha Tinan 2012. Maneira hatam kilat musan kontentor rua mai ne’e atu estraga situasuan hodi UNMIT nia misaun prolonga tan,”nia komenta.
Discussion about this post