Projetu Servisu Ba Dame fo Benefisiu ba Komunidade Area Rural

Radio, online – Hodio halakon dezempregu iha area rural governu, Liu husi Sekretariu Estado Formasaun Profesional Empregu (SEFOPE) kria politika programa projetu  Tres (3) Dollar ne’ebe ho naran servisu ba dame.

Gomes Pontu Vokal point ba Jeneru Bernadete Pinto Secretariu Estado Promosaun Profesional Empregu ba radioonline iha ninia servisu fatin Sesta (2/9).

Bernadete hatutan, objetivu husi projeitu ne’e iha tolu mak hanesan rehabilitasaun estrada iha area rural, manitensaun estrada iha area rural no loke estrada foun .

Pontu Vokal Point ba jeneru ne’e esplika liutan katak, projeitu tres dolar ne’e implementa  iha 13 distrito. Projeitu ida ne’e  involve   feto  sira ne’ebe hela iha area rural. Feto  kuaase   40% sai hanesan benefisiariu direita ba projeitu servisu ba dame.

Intensiva ne’ebe parte SEFOPE  halo liliu ba feto sira ne’ebe funaravel no sira ne’ebe la hatene hakerek no le’e. projetu 3 dollar ne’e ho durasaun tempu ne’ebe badak.

Tuir nia maske projetu ne’e ninia durasaun tempu badak bele resolve problema ne’ebe durante ne’e povu balu infrenta iha baze,  liliu probleme ne’ebe  atu sustenta nessesidade ne’ebe minimu lorloron nia hanesan atu hola sabaun, ropa no seluk tan.

“Ami sei nafatin tau atensaun ba programa ne’e hodi kontinua nafatin ba oin,”nia komenta.
Nia salienta liu tan katak Programa ne’ebe parte SEFOPE nia halao iha area rural laos deit implementa projeitu dolar tolu ne’e deit maibe iha mos programa seluk mak hanesan fo treinamentu no fo informasaun  ba feto maluk sira no mos ba joventude.

Maria Fatima Moniz benefisiairu husi Distritu Bobonaro kontenti ho programa dollar tolu, ne’ebe hanesan fo ajuda urjenti ba presiza lorloron nain. Aktividades ba programa ne’e mak halo limpeza ba estrada bo’ot no taka estrada ne’ebe koak ho rai.

Maria mos senti ladun kontenti ho xefi aldeia ne’ebe projetu tama mai sira buka deit, xefi aldeia nia familia mak hodi hatama. Ne’e mak ladiak, presiza husi SEFOPE kontrola.

“Hau husu ba governu atu programa ida ne’e tenki kontinua nafatin. Ami laos hetan deit osan maibe ami mos hola parte ba prosesu dezenvolvimentu nasaun ne’e ho nivel ki’ik,” nia husu.