Radio, online – Vice Ko’ordenador mate restu 12 Novembru Rogerio Castro da Costa fo atensau ba governu hodi realiza atu hari monumentu ba matebian 12 Novembru 1991. Tanba hahu husi fulan Maiu to’o agora governu seidauk fo lampu hijau hodi hari monumentu istoriku ne’e.
“Ami mos la hatene ninia prosesu ne’e too iha ne’ebe ona. Governu iha planu no promete tenki realija. Akordu hotu ona tanba saida mak seidauk realiza,”dehan Rogerio Castro da Costa ba radioonlinedidli iha nia servisu fatin Balide, CAVR (27/7).
Rogerio hatutan, husi komite 12 de Novembro iha ona plano, maibe atu hari monumentu ne’e desizaun husi xefi governu. Maibe tuir lolos iha peletakan batu pertama ne’e bele hahu ona kontruksaun. Dezenhu iha tiha ona. Ate agora hein deit realiza husi governu.
Tuir planu alokasaun orsamentu ba kontruksaun monumentu tuir dezenhu ne’ebe manan husi arsitektur Salvador Pires dehan sei gasta orsamentu ho total $ 50,000,00. Monumentu ne’e sei hari Santa Cruz nia oin.
“Planu atu halo inagura ba Monumentu la persisa to’o hotu mak foin inagura maibe Primeiru Ministru ho Guverno se deit bele halo inagura maibe prosesu ne’e lao ba oin nafatin to’o finalidade iha 2014,”Rogerio konfesa
Iha fatin seluk Deputadu husi bankada Fretilin Inacio Moreira husu ba governu atu hari’i lalais monumentu 12 Nobembru nian, tanba iha orsamentu mak aloka ba kontruksaun ne’e.
Inacio esklarese, proposta hari monumentu ne’e program Fretilin nian. Debate ona iha PN, tamba ne’e sei aloka orsamentu para halo estudo Viabilidade atu halo nia modelo ne’ebe tuir masacre ida ne’ebe akontese liu-liu mak tuir identidade Timor Leste nian rasik.
“Hau husu ba governu tenki reliza ba promesa. Lalika sai promesa hela deit tamba to’o agora hau mos nudar membro komisaun G seidauk hatene los monumentuto ne’e halo ona ga sedauk, ” Inacio lamenta.
Mate restu 12 Novembru Adelia, senti trsiti ho governu nia promesa maibe atu realiza susar tebes. Osan iha tiha ona, tanba saida mak la hari ona monumentu ne’e. Husu atu lalika politiza ba kontruksaun monumentu 12 Novembru ne’e ba intereses partido, tanba eleisaun besik ona. Lalika dada tan tempo.
“Hau enkoraza governu ne’e iha intereses ba istoria timor nian. tragedia 12 novembru mak loke odamatan ba mundu hodi fo atensaun libertasaun nasuan ida ne’e. ne’e tenki tau iha konsensia, governantes sira,”nia komenta.
Discussion about this post