www.guardian.co.uk, Sabadu Julho 16, 2011 – Violensia nebe akontece iha Norte Irlandia halo familia imigrante sira inklui husi Timor-Leste halai sai husi sira nia fatin iha sexta feira kalan (15/7) tamba mosu perturbasaun iha Portadown entre grupo loyalis nebe ataka grupo nasionalista sira nia uma.
John O’Dowd nudar membro ba Asembleia Norte Irlandia nian hateten katak kuase ema 100 husi grupo loyalis ataka polisia nebe prevende sira atu lalika ataka uma grupo nasionalista sira.
O’Dowd amenta tan katak familia husi Timor-Leste aruma sira nia pasta no halai sai husi uma iha Portadown, Co Armagh iha sexta kalan, wainhira area ne’e nakonu ho violensia.
“Sira aruma sira nia pasta wainhira violensia nebe mosu halo susar tebes sira. Sira nia vizinho sira koko atu hakalma sira nia laran atu nune’e bele hela ho hakmatek maibe sira sai tiha husi uma, hateten O’Dowd ba Reuters.
Numero signifikante tebes husi familia Timor-Leste hela ona iha sidade Norte Irlandia nian iha nebe sira serbisu halot hahan iha industria ho ema Portugal sira.
Iha horas balun nia laran, polisia hetan ataka husi ema ho bomba mina, fatuk, butil, fogeti no sasan kroat seluk bainhira violensia ne halao husi grupo loyalis sira.
Polisia sira tiru kuase 20 bala boracha no kaer ema nain tolu. Sira konfirma katak grupo loyalis sira provoka violensia bainhira sira halo asaun protesta ho damen maibe hetan perturbasaun husi grupo minoridade balun.
Ulun bot ba Konselho Craigvon, husi Union Demokrasia Alan Carson kondena tebes violensia ne’e.
“Ida ne’e lahalo ema no buat ida atu sai diak, ema iha direitu atu moris hakmatek no senti hakmatek iha sira nia uma. Violensia nebe ita hare hodi kalan hanesan buat ida nebe ita tau ba livru historia,” hateten Craigvon.
Foin lalais ne’e kuase membro polisia hamutuk nain 50 mak hetan kanek no kuase ema lubuk wain mak kaptura ona husi grupo loyalis no Republikano iha parade loron 12 fulan Julho.
Ema 500 nebe tuir parade iha Tersa feira iha Norte Irlandia, ho lina barak husi lina Laranja no ho atensaun atu selebra Vitoria ba Liurai Protestante William nebe uza kor ne’e bainhira hasoru liurai Katolika, James iha funu Boyne iha tinan 1690. Notisias ne’e tradus husi website iha kraik ne’e:
http://www.guardian.co.uk, Sabadu Julho 16, 2011
Discussion about this post