Radio, online – Kompanha Jino Linda ho Mot Bele la satisfas implementasaun projetu Pakote Dezenvolvimentu Desentralizasaun (PDD), halao iha sub-distritu Zumalai, Distritu Covalima konsedera hamosu Korupsaun, Kolusaun no Nepotizmu (KKN) .
Kestaun ne’e hato’o husi Diretor Kompanha Mot Bele Lda Antonio da Costa ba jornalto’ista Kuarta, (13/7) iha uma fukun Parlamentu Nasional wainhira hato’o karta reklamasaun ba komisaun G, atu nune’e problema ne’e bele levanta iha Plenaria.
Projeto PDD Implementa husi Ministro Administrasaun Estatal Ordenamento Do Teritorio (MAEOT) iha Distrito Kovalima Sub-Distrito Zumalai tinan 2011. PDD konsedera implementa la tuir lei no baze legais ne’ebe intensive. Projeto PDD ne’e rasik hare ba familia deit.
Liu husi Kompanha Jino Linda ho Mot Bele sei la simu no kontra desizasun PDD hodi fo biban ba kompanha lokal husi Sub-Distrito seluk atu mai jere projeito PDD iha Sub-Distrito Zumalai. Projetu ho klasifikasaun A, B No C tanba ho razaun katak, pakote referendum 2009, kompanha husi Distrito seluk mai jere projeito iha Zumalai barak mak laiha kualidade
Iha biban ne’e Antonio mos huus MAEOT Atu Resolve Manipulasaun Ba Projeito PDD Iha Distrito Kovalima.
Antes mai to’o iha PN, kompanha Mot Bele hato’o ona karta ba iha Administrador no PNTL. Maibe Administrador rasik la foti desizaun.
Tuir konstituisaun RDTL artigo 48 ne’ebe hakerek kona ba direitu petisaun. Lei PDD tinan 2011 No.8/ 2011, 29 de Marsu fo dalan ba kompanhia sira atu protesta tuir dalan legal.
“hau husu ba MAEOT atu halo inspensaun urgent husi Nasional ba hahalok servisu ekipa konjunta PDD Distrito Kovalima ne’ebe nakonu ho manipulasaun hodi kontra lei PDD,”Antonio rekomenda.
Deputado Bancada Fretilin Inacio Freitas Moreira husu ba Ministru kompatente iha tempu badak nia laran atu foti desizaun lalais hodi rezolve problema ne’e. Problema ne’e hanesan KKN.
“Ita labele hamosu KKN iha povu nia le’et ho PDD ne’e. PDD ne’e osan povu nian ne’e duni halo projetu tenki kualidae diak ba povu,”nia kestiona.
Discussion about this post