Radio, online – Movemento Nasional Defende Soberania Republika Demokrasia Timor Leste ne’ebe representante povo Maubere iha teritoriu halo manifestasaun hasoru estadu hodi husu no obriga katak, kleur ka lalais kadoras kanu matan Greater Sunrise (GSR) tenki mai Timor Leste.
Manifestasaun asaun marsa hasoru governu RDTL ho Kompanha Woodside ne’ebe halao iha Parlamento Nasional nia oin Segunda, (11/7/).
Delegasaun manifestasaun lori Petisaun ba Parlamentu Nasional (PN) ne’ebe simu direita Diretor jeral PN, hodi entrega ba Prezidenti PN atu diskuti iha plenaria.
Reprezentante Movemento Nasional Defende Soberania Republika Demokrasia Timor Leste hamahan an iha UNTL, Lolasco Mendes hateten, liu husi manifesta ne’ebe ho prinsipiu no pozisaun politika katak, realidade husi estudu ekipa task forse estabelese fo posibilidade bo’ot kadoras GSR teknikamente tenki dada mai Timor. Manifestasaun rezeita dehan kompanha sira nia hanoin dehan tasi klean labele mai Timor, mainfestasaun kondena hanesan propaganda baratu.
Porta Voz manifestasaun ne’e hatutan, banhira GSR mai iha TL, povo bele iha gas material bruto bele uza ba esportasaun hanesan LNG ne’ebe multi vantasen mak fo rendimentu barak no benefisiu investimento hanesan infrastruktura, tradings, energia ba elektrisidade. Posibilidade bele mos halo industria petrokimia ne’ebe nia valor bele as liu no bele uza hodi halo gas uza ba tein. Hodi muda sistema energia domestika ne’ebe uza ai no mina rai ne’ebe ladun saudavel.
Movemento Nasional Defende Soberania Republika Demokrasia Timor Leste fo apoiu dezisaun TL, hodi ejiji teknikamente no politiku hodi dada kadoras GSR. Rekomenda kompanha woodside no governu Australia lakoi kadoras mai TL, entaun husik riku soin ne’e rai iha tasi laran deit hein tinan 10 ka 20 mak halo fila fali negosiasaun hodi halo eksplorasaun.
“See lakoi dada mai Timor, diak liu husi riko soin ne’e hakmatek iha nia fatin. Hein tinan 10 to’o 20 mak halo negosiasaun ba esplorasaun,”nia komenta.
Manifestasaun nee organiza husi movimentu Nasional Defende Soberania RDTL, neebe kompostu husi Asosiasaun Estudante Distritu 13, UNDIL, UNPAZ, Unital, UNTL, Arte Marsiais, Sosiadade Sivil no Front Estudante Timor Leste.
Discussion about this post