Radio, online – Nasaun Timor Leste hetan fiar husi nasaun sira maka iha organizasaun, Comunidade Pais Lingua Portuguesa (CPLP) hodi organiza selebra aniversairu XV ba instituisaun supremu iha judisiariu.
Selebrasaun ne’e realiza iha Centru Covensaun Dili (CD) Kuarta, (28/6), Kaikoli, Dili. Nasaun sira mak iha CPLP hanesan, Portugal, Angola, Mozambique, Guine-Bisau, Cavo Verde, Sao Tome Prinsipiu, Brazil, no TL.
Liu husi aniversariu ne’e Prezidenti Tribunal Rekursu Claudio Ximenes hateten, selebrasaun ne’e partisipa husi organisazaun hotu-hotu husi CPLP sira, liliu ba iha area justisa ninian.
“Ita nia intereses ba oin mak nasaun ne’e presiza hari’I tribunal das kontas,”Claudio haktuir.
Ba futuru sei tribunal de Kontas sei hari iha nasaun ne’e hodi tau matan ba orgaun soberanu sira uza osan estadu nian hodi halo servisu nasaun nian. Tribunal da Kontas hari duni hodi garante orsamentu estadu nian tau ba intereses povu nian.
Iha fatin hanesan Prezidenti Parlamentu Nasional Fernando Lasama de Araujo dehan, membru CPLP sira seluk sei esforsu atu ajuda Timor Leste bele hari’I Tribunal Kontas hodi kontrola financeiru Estadu nian.
Lasama hatutan, tribunal da kontas importante tebes ba estadu hodi kontrola orsamenntu stadu nian, ba orgaun soberanu sir, tanba durante ne’e ema barak uza sala orsamentu stadu nian ba intereses privadu. Ne’e duni iha tribunal da kontas bele kontrola no iha kazu legal no iha tribunal mak espesifiku hodi halo julgamentu.
“Ami iha uma fukun mos agora dadaun ne’e debate hela lei konaba tribunal kontas nian. Hau garante tinan rua mai tan Tribunal da Kontas hari ona iha TL,”Lasama akresenta.
Discussion about this post