Radio, online – Sekertariu Estado Formasaun Professional Emprego (SEFOPE), Bendito Freitas esforsu hodi garantia vida trabalhadores Timor oan nia iha futuru.
Dalan ne’e mak SEFOPE halao inkontro ho komisaun H Parlamento Nasional Asuntu Juventude Desportu, Trabalhadores e formasaun professional marka diskusaun kona ba lei trabalhadores Timor oan nain.
Enkontru ne’e halao iha sala komisaun H Parlamentu Nasional Kuarta, dia 15/6/11.
Depois inkontru Bendito Freitas ba jornalista hatete katak, hasoru malu ho komisaun H ne’e importante tebes atu halao kontinuasaun diskusaun kona ba Lei Trabalhadores Timor oan. Lei ne’ebe mak diskuti ona mak artigu 11.
Iha loron Kuarta ne’e kontinua ba artigo 12, tanba lei trabalhadores sira ne’e total hamutuk senteseis artigos .
Nia salienta liu tan katak, depois remata diskusaun lei trabalhadores ne’e sei pasa ba iha parlamento nasional atu nune’e bele haloa votasaun no aprova lalais atu defende trabalhadores Timor oan iha futuru.
‘Ita presiza tebes ita nia lei rasik hodi defende no garantia ita nia maluk sira mak servisu iha kompanha sira. Tuir nia hare dadaun ne’e Timor oan barak mak sofre tanba ita nia lei rasik seidauk iha. Ba oin ita nia lei iha ona kompanha sira sei la viola ona direitus trabalhadores,” Bendito esplika.
Bendito fiar katak, depois liu husi diskuasaun ne’e komisaun H esforsu hodi haruka lalais lei ne’e ba iha Parlamentu Nasional hodi diskuti no aprova lalais.
Discussion about this post