Radio online – Tuir lei eleitoral wainhira rezultadu epuramentu distrital remata sei lori urna mai iha Comisaun Nasional Eleisoens (CNE) hodi halo apuramentu nasional durante loron 3 nia laran, durante oras hitu nolu resin rua nia laran (72 jam-red).
Prezidenti CNE Faustino Cardoso fo sai informasaun ne’e liu husi konferensia da emprensa Tersa, (20/3). Agora dadaun urna husi distritu 13 to’o hotu ona iha CNE nasional. Apuramentu nasional hahu komesa horseik (19/3) tuku 21:00 otl, ne’ebe sei sura uluk distritu Aileu no Ainaro.
“Urnas sira hori kalan mak foin to’o hotu, ami hahu kedas halo apuramentu nasional. Iha kalan ne’e mai konsege apura dustritu Aileu no Ainaro to’o tuku 2 madrugada,”dehan Faustino.
Prezidenti ne’e hatutan, iha prosesu ne’e nia laran CNE sei verifika akta apuramentu distrital sira sei apresia no deside definitivamente ba votu reklamado sira.
Rezultadu fina husi apuramentu nasional ne’e sei sei publika sai no sei taka iha sede CNE no sei lori ba STAE nasional. Alende ne’e mos sei fahe ba media hotu atu publik.
Husi publikasaun ne’e sei fo tempu iha oras rua nolu resin hat nia laran (24 jam) atu halo rekurso ba Tribunal, karik la satisfas ho rezultado apuramentu ne’ebe CNE publika sai.
Discussion about this post