Radio, online – Durante tinan rua nia laran UNICEF serbisu hamutuk ho Ministerio Edukasaun no sira fo ona apoiu barak ba nivel nasional no nivel Distritu.
Reprezentante UNICEF mai TL Hongwei Gao hato’o lia hirak ne’e iha serimonia aprezentasaun aktividades programa eskola foun iha salaun Delta Nova, (31/1) foin lalais ne’e.
Reprezentante UNICEF ne’e hatutan, apoiu hirak hare liu ba sistema teknika nomos apoiu osamentu finansas ba Ministeriu Edukasaun.
Iha fatin hanesan Primeiru Ministru Kay Rala Xanana Gusmao liu husi nia diskursu husu ba profesores sira la bele baruk atu hanorin alunus sira. Xanana husu hanorin disiplina, kreativu, nomos hanorin alunus sira oinsa mak bele partisipa halao hadomi rai ida ne’e ho sira nia hahalok rasik, inklui inan aman sira mos tenke hanorin oan sira.
PM Xanana afirma liu tan, iha nasaun Timor–Leste iha buat rua mak importante Edukasaun no Saude. Ne’eduni xefi governu husu ba profesores sira tenke tau iha nia laran no imi nia fuan tamba ne’e ita nia oan hotu.
Ho esforsu ne’ebe Durante tinan rua nia laran bele fo mudansa ba profesores sira konaba metode hanorin ba alunus sira durante halao apredizanjen.
Iha seremonia ne’e UNICEF mos fahe sertifikadu ba alunus no profesores ne’ebe hetan kualidade diak.
Discussion about this post