Radio, online – Movimento Universitario Lero (MUL) ejiji ba Sekertariu Jeral Partido Demokratiku (PD) Mariano Assanami Sabino atu husu deskulpa ba povu Sub-Distrito Iliomar tamba Assanami dehan uma kordenador PD nian iha Iliomar hetan sunu husi ema.
Porta Voz MUL Marcelino Madeira liu husi konferensia da emprensa Kuarta, (25/1) hatutan, ejiji ba Sekjen PD tamba halo rumoris deit situasaun. Agora dadaun povu sira iha Iliomar sai konfuzaun katak, see mak sunu uma. Maibe Assanami komesa lansa ameasa ba povu Iliomar.
“Ami estudante Iliomar ejiji ba Assanami atu husu deskulpa ba komunidade Iliomar no dada tiha lia fuan ne’e husi publiku,”Marcelino apela.
Tuir Porta Voz ne’e katak, deklarasaun Assanami ne’e la los no bosok, la tuir faktus. MUL konsedera Assanami halo finjidu atu hamosu instabilidade ba rai ida ne’e liliu ba komunidade Iliomar laran.
Wainhira Sekjer PD mak la husu deskulpa no dada lia ninia fuan, MUJ sei la tau konsederasaun mak MUL indika PD hanesan partidu provokativu no traisaun ba povu no nasaun ida ne’e, ne’eduni MUL sei la tolera atu sjiste PD iha Sub-Distrito Iliomar.
Ikus liu Porta Voz ne’e komenta katak, Sekertariu Jeral (PD) la dada hikas fila fali ninia deklarasaun no la husu deskulpa ba publiku tomak juventude Iliomar sei kansela wainhira PD ba halo kampanha iha Sub-Distrito refere.
Discussion about this post