Radio, online – Relasiona ho kazu Bank Mandiri ne’ebe hasai sai funsionario Timor oan nain tolu iha fulan kotuk liu ba to’o agora seidauk resolve. Dalan atu hakotu problemas ne’e Sekertairu Estado Formasaun Professional Empregu (SEFOPE) sei foti desizaun tuir lei Timor Leste nian ne’ebe vigora.
Diretor Geral SEFOPE, Jacinto Barros Gusmao ba Jornalista Tersa, (24/1) dehan katak, kazu iha Bank Mandiri to’o agora seidauk iha solusaun, tamba parte rua ne’e ididak mantein pozisaun.
“Tuir lolos kazu ne’e la dun bo’ot maibe parte rua seidauk simu malu no ididak mantein sira nia pozisaun no lakoi lakon, entaun ami mak sei tun hodi rezolve tuir lei mak iha,”dehan Jacinto.
Jacinto informa liutan, iha semana ne’e nia laran governu liu husi SEFOPE sei fo tempo nafatin ba parte rua hodi halo mediasaun.
Sansaun mak Bank Mandiri tenki selu salario sidadaun Timor tuir lei,”Jacinto akresenta.
Discussion about this post