Radio, online – Relasiona ho ejijensia husi IDP’s vitima krizi 2006 sei la tuir eleisaun geral 2012 wainhira estadu la atende sira nia problemas, Prezidenti Republika (PR) Jose Ramos Horta sei la tauk amesa hirak ne’e. Tuir PR Horta estadu sei la atende sira nia direitu tanba kompensasaun IDP’s remata ona.
PR Horta kasu lia hirak ne’e iha Palacio Prezidenti (14/1) foin lalais ne’e. “Hau nia filosofia, itaa hakarak halo buat ida, ita lalika halo ameasa, Estado la tauk ema nia ameasa”.
Premeadu Nobel da Paz ne’e hatutan, se lakoi partisipa iha eleisaun ne’e ididak nia diretu. Kada eleisaun ema barak la partisipa tamba balun moras, ema balun hela fatin do’ok nomos ema balun la fiar lider politiku sira, ne’e normal iha nasaun opta sistema demokrasia.
Tuir PR Horta governu halo esforsu maka’as tinan sanolu para halo justisa ba deslokados ke lakon sira nia sasan, laos ba sira ne’ebe inventa tun inventa sae.
Iha fatin seluk Ministra Solidaridade Sosial Maria Domingas Alves hatan ba prekupasaun IDP’s Ministra ho Primeiru Ministru sei propoin ba Konselu ministru atu estabelese komisaun ida ne’ebe independenti hanesan KAK, PDHJ, Ministerio publik, no seluk seluk tan, mak sei hare problema ne’e.
Discussion about this post