Radio, online – IDP’s uma kain 3.229 vitima krizi 2006, wainhira governu la rezolve sira nia problemas, iha eleisaun geral 2012 IDP’s hirak ne’e sei la la tuir.
Uma kain 3.229 ne’e iha loron Sesta, (13/1) halao manifestasaun iha kampo demokrasia hodi ejiji sira nia direitu.
Porta Voz IDP’s Abilio Freitas ba jornaslista iha Sentru refujiadu, Balide Dili dehan katak, refujiadu sira halo asaun manifestasaun ho objetivu ejiji sira nia direitu ba governu hodi halo pagamentu tanba sira lakon sasan no uma hetan sunu iha krizi 2006.
Abilio reafirma wainhira governu la responde IDP’s sira nia direitu rezultadu mak iha eleisaun IDP’s sira sei la tuir eleisaun.
“Ami hili lideransa mos hanesan deit tamba ita hili la rezolve povu nia prekupasaun,”Abilio komenta.
Suportador ba manifestante mai husi UNTL ba vitima krizi 2006 Carolino Margues husu ba Ministeiru Solidariedade Sosial (MSS) tenki halo estudu ida, tuir lojika ne’ebe total IDP’s krizi nian iha 18 ribu maibe 16 ribu mak hetan ona rekoperasaun. Signifika osan husi restu ne’e sei iha, see la halo pagamentu ba IDP’s sira ne’ebe ejiji ne’e, entaun osan balu fungsionairu MSS sira mak han hotu tiha.
“Ami nia hare mosu problemas falsifikasaun domentus laos mai husi IDP’s maibe mai husi MSS tanba sira hakarak atu hetan komisi. Hau iha provas konaba kazu ida ne’e, see hakarak hau hatudu faktus,”Carolino esklarse.
Vitima Joana Vicente de Jesus dehan “Ami seidauk hetan ajudus husi governu ida ne’e, tamba ami ejiji nafatin ba oin hodi hetan ami nia diretu,”.
Iha manifestasaun ne’e maioraia ferik ho katuas lori espanduk ne’ebe hakerek ho lia fuan VIVA RDTL VIVA Golput estadu tenke konsidaera Problema IDP’s hanesan problema nasional. Iha espanduk seluk hakerek dehan “Estado ukun la kreativa rezolve problema IDP’s.
Discussion about this post