Radio, online – Prosesu rehabilitasaun ba kondisoes portu Dili tinan 2012 ne’e sei kontinua halao tamba Portu Dili hetan alokasaun orsamente ano fiskal husi Ministeriu Infras-estrutura.
Lia hirak ne’e hato’o husi Diretor Geral Portu Dili, Constantino Pereira Soares ba jornalista iha ninia servisu fatin Portu Dili,Kuarta, (11/1).
Diretor Geral Portu ne’e hatutan, orsamentu ne’ebe sei aloka ba iha area rehabilitasaun sei despaisa tamba sei iha faze preparasaun dokumentus.
Iha orsamentu ne’e laos deit ba Portu Dili maibe maibe mos sei alokasaun ba iha rehabilitasaun kondisoes terminal passajeiru no parte dekontores parte leste nian.
“Aktividade portu Dili agora lao ho normal ro’o tama sai ho normal, no operasaun mos lao durante 24 oras,”Constantino esplika.
Director ne’e afirma, roh ne’ebe para permanente iha Portu Dili mai husi Indonesia, Singapura, Darwin Malaysia no Vietnam.
Sasan importasaun mai husi estrangeiru mak nesesidade baziku no sasan konstrusaun. Sasan sira fa’an iha Loja no distribui ba Distritu liu husi portu Dili.
“Ami iha ne’e tenki kontrola sasan sira mak tama mai tanba sasan balu mos laiha dokumentus nomos atu tenki kontrola aimoruk at mak importa mos,”dehan Diretor Geral ne’e.
Discussion about this post