Radio online – Komisariu Polisia Nasional Timor Leste (PNTL) Longuinhos Monteiro apela ba komunidade mak hare membru PNTL ne’ebe mak involve iha konfrontasaun artemarsiais tenki hato’o keisa ba Komando atu nune’e fo atensaun tuir regulamentu interna PNTL nain.
Komandante Geral PNTL ne’e hato’o lia hirak ne’e ba Jornalista iha salaun sentru konvensaun Dili Kinta, (5/1) wainhira partisipa diskusaun entre PNTL-F-FDTL nia preparasaun ba eleisaun geral tinan ne’e.
Komandante aifunan rua ne’e hatutan, membru nain tulo ne’ebe involve iha konfrontasaun iha Comoro iha ona prosesu investigasaun nia laran.
Instituisaun ne’e iha regulamentu ba kulaker membro ne’ebe tama iha konfrontasaun artemarsiais sei fo atensaun maximu.
“Hau husu ba povu tomak atu tau matan ba hau nia membru sira nebe’e involve iha aktividade artimarsiais atu informa ba Komando geral para halo inversitagasaun, atu instituisaun ne’e bele sai professional,”Long apela.
Hatan ba kestaun ne’e Primeiru Ministru Kay Rala Xanana Gusmao hanesan Ministru Defeza no seguransa informa mos katak tuir instituisaun F-FDTL sei proteje povu hetan ameasa husi liur, PNTL mak fo garantia diretus no liberdade ba povo tomak no fo siguransa ba sidadaun ididak nia vida no propriedades.
“Hau husu ba PNTL no F-FDTL ita nia konstitusaun la fo dalan ba ita bo’ot sira atu tamba iha partidu politikus ida ne’e fundamental ba papel imi nian nudar povo nia siguransa no nia rikusoin. See mak la tuir viola ona konstituasaun RDTL no hetan pena sansaun, Xanana akresenta.
Discussion about this post