Radio, online – Ministra Justisa (MJ) Lucia Lobato fahe direitamente sertifikadu nain ba rai ba komunidade liu husi reprezentante husi Distritu Manatuto, Liquica no Ainaro.
Serimonia fahe sertifikadu nain ba rai ne’e hodi komemora Loron Direitus Humanus, Sabadu, (10/12) iha Distritu Liquica.
Ministra Lucia dehan katak, Ministeriu Justisa fo sertifikadu ba komunidade ne’ebe kompleta ona prosesu administrativu no tuir ona publikasaun de meta. tamba
“Sira ne’ebe hetan sertifikadu ida ne’e ba Distritu tolu hanesan esforsu bo’ot MJ husi tinan hat nia laran. Entrega sertifikadu ida ne’e hanesan pasu ida ba governo atu hakat ba oin hahu rezolve problema ba rai,”dehan Lucia.
Tuir Lucia maske lei rai sei pendenti hela iha Parlamento Nasional, Ministra rasik hateten proposta rai ne’e Deputado sira aprova hotu.
Komunidade sira ne’ebe mak hetan ona sertikadu hanesan nain ba rai sei selu rai nia ten hanesan selu tasa. Maibe hare ba komunidade kbi’it laek la selu. Ba komunidade moris diak no hetan rai barak tenki selu tasa tuir rai ne’ebe sira okupa.
Hatan ba mos lei rai ne’ebe pendeti hela iha Parlamento Nasional, Ministra Jucia hateten “Imi husu ba Deputados sira tamba sa mak lei ba rai nian ne’e seidauk aprova. Lei ne’e Konselhu Ministru aprova ona no lei ne’e tinan ida ona iha Parlamentu Nasional.
Hau hein PN atu iha tempo badak bele halo esforso ba aprova iha espesialidade atu governu bazeia ba lei ne’e rezolve problema rai iha nasaun ne’e,”Lucia akresenta.
Iha fatin hanesan Primeiru Ministru Interino, Jose Luis Guterres hateten, rai ba povo ne’e valor teb-tebes, tamba liu husi titulo propriedade ne’e povu bele halo negosiu ho hetan investimento no bele loke bankaria.
Titulo propriedade da tera ne’e laos kona ba politiku maibe koalia konaba ekonomia tamba ne’e, ho sertifikadu ne’e komunidade bele hetan moris diak.
“Hau husu ba povo tomak atu lalika fa’an rai ba ema estrajeiro komuniade bele tamba rai sira mak ita hela ne’e ita nia avo sira husik hela mai ita atu uza no buka moris,”PM Interino ne’e apela.
Liu husi loron Internasional Diretus Humanus ne’e “Ita hotu laran hak solok tamba iha fatin barak seidauk iha, tamba ne’e ita espera katak tinan-tinan povo TL bele komemora loron ida ne’e ho paz no estabilidade.
Discussion about this post