Radio, online – Vice Prezidente Parlamentu Nasional, Maria Paixao fo sai katak, Timor Leste sai hanesan nasaun ne’ebe risku bo’ot ba iha moras HIV-AIDS.
Vice PN hato’o kestaun ne’e iha uma fukun PN Kinta, (1/12), relasiona ho loron mundial ba moras HIV-AIDS ne’ebe monu iha dia 1 de Dezembru.
Maria Paixao hatutan, “Hau hanesan membru komisaun B sujeru nafatin ba governu atu fo atensaun ba povu hodi hadok-an husi moras at ne’e liu husi sosializasaun. Ita nia nasaun ne’e hanesan nasaun ki’ik sebanhira ita la cek no kuidadu didiak HIV-AIDS banhira ita hakfodak ita nia populasaun tomak bele aveita moras,”Maria Paixao apela.
Vice II PN ne’e hatutan, moras HIV-AIDS ne’e afeita lalais ba populasaun sira ne’ebe hela iha fronteira. HIV-AIDS makas iha fronteira tamba iha mos ilegal prostituisau lao buras los.
Iha parte komisaun B Parlamentu Nasional ejiji ona ba iha Membru F-FDTL no PNTL atu halo check up ba membru sira hotu.
Deputadu husi PSD ne’e husu ba governu atraves Ministeiru da Saude tenki iha hanoin atu fo tratamentu ba ema sira mak positifu HIV-SIDA, nomos tau iha fatin diak ida atu nune’e moras ne’e labele lao hodi hadaet ba ema seluk.
Maria salienta liu ba sira ne’ebe hetan moras HIV-AIDS ne’e lalika tauk no hakfodak tenki halo tratamentu tamba governu sei fo tratamentu gratuito ba sira ne’ebe moras HIV-AIDS tratamentu tenki kontinua.
Discussion about this post