Radio, online – Eis Ministru Interior I Governu Konstitusional Rogerio Lobato ofisialmente fo sai ba publiku hodi deklara katak, kandidata ba Prezidenti Republika periodu 2012-2017 ho independente.
Rogerio Lobato deklara ninia kandidatura ne’e liu husi konferensia da emprensa iha rezidensia, Bidau, Tahularan, Kuarta (30/11). Programa importante ba Rogerio Lobato mak asuntu sosial no rezolve veteranus.
“Hau sei transforma hau nia kandidatura iha espasu ba debate livre ideias atu buka solusaun ba buat ne’ebe ita hotu-hotu hakarak no benefisiu ba povu TL,”Rogerio Lobato.
Rogerio hatutan, maske ninia kandidatura ho independente maibe nia nafatin ema FRETILIN. “See hau sai Prezidenti Republika, hau nia kartaun militante FRETILIN hau sei la fo fila,Rogerio konfesa.
Iha anunsia Rogerio Lobato prezensa mos Ko’ordenador Jeral CPD-RDTL, Antonio Aitahan Matak hanesan amigu rezistensia.
“Hau mai iha ne’e tanba, hau hetan konvite. Hau apoiu ema sira ne’ebe mak iha rezistensia kandidatu ba PR, hanesan Taur Matan Ruak, Abilio Araujo no mos maun Rogerio,”dehan Aitahan Matak.
Agora dadaun lider sira mak ofisialmente kandidata ba PR periodu 2012-2017 Taur Matan Ruak, Abilio Araujo, Lu-Olo no Rogerio Lobato. Ita hein sei mosu kandidatura foun tan iha 2012.
.
Discussion about this post