Radio, online – Ministra Justisa (MJ), Lucia Lobato husu ba estadu Timor Leste hodi laran kama’an hare ba relatori UN-Women konaba feto TL menus tebes asesu ba area justisa hodi buka lia los. Relatoriu ne’e importante tebes hodi halo planu diak liutan iha justisa ba feto TL iha futuru.
Lia hirak ne’e hateten husi Ministra Lucia iha Salaun treinamento Judisial Kaikoli iha lansamento relatorio feto asesu justisa mundial (24/11).
Ministra ne’e hatutan, nasaun TL tenke hare fila fali ba relatorio UN-women hudi halo estudo komparativa hodi bele implementa ba iha futuru. Timor Leste tenke haksolok dala uluk tamba iha nasaun 127 nia laran TL iha lei espesifiku koalia konaba Violensia kontra feto. Iha nasaun 101 resin nia laran TL nia lei fo protesaun ba feto hodi asesu ba justisa no iha direto hetan ba rai.
“ Maibe buat seluk mak Timor leste husi nasaun 28 hetan 30 % feto barak Tu’ur iha parlamento tamba ne’e iha elisaun 2012 ho lei elitora nbe aprova Feto sei barak tuir iha Parlamento. Maibe ita labele hak solok ho ida ne’e , tamba realidade lei barak ba feto iha Timor leste la faboravel no sedauk implementa diak ba feto, tamba ne’e atu realija ita tenke esforsu makas hodi Timor Leste Bele fo duni Justisa ba Feto sira iha Timor Leste,”nia informa.
Iha fatin hanesan reperezentante UN-Women iha Timor Leste Min–Whee Kang hateten katak, relatoriu ne’e UN- WOMEN nia ba dala uluk konaba feto nia situsaun iha mundial oinsa feto asesu ba justisa, tamba feto barak iha mundu seidauk asesu ba justisa.
“Iha 80 % nasaun, iklui Timor Leste mos hola parte ona hodi proteze feto nia direitu asesu ba justisa maske foin ukun-an ho idade tinan sanolu. Iha relatori ne’e mos sita feto timor barak mak tu’ur ona iha parlamentu, no 18 % sai membru polisia, maibe feto asesu ba justisa sei menus los ba kazu ruma,”Kang konfesa.
Lansamentu relatori UN- Women ba Tinan 2010 -2011 ne’e hetan marka prejensa Prokurador Geral da Republika Ana Pesoa, Ministra Justisa, no Defensor Publiku.
Discussion about this post