Radio, online – Primeiru Ministru (PM) Kay Rala Xanana Gusmao liu husi aprezentasaun Orsamentu Geral Estado (OGE) Tinan 2012 ho montante $ 1.763,4, orsamentu dala ikus nian iha governasaun AMP hodi enserra ka taka kompromissoes hirak ne’ebe governu AMP assume.
Iha PM Xanana Gusmao nia palestra hateten, investe ba dezenvolvimentu iha 2012 signifika investe $ 1.763,4 mil milhoes de dolares iha politikas sustentaveis ba pais ne’ebe sei kapitaliza susessu nian to’o ohin loron hodi hatur TL liu kona ba dalan ne’ebe ita hotu hakarak investimentu ida ne’e liliu atu lori halao konstrusaun no manutensaun infra-estruturas essencias no produtivas nian ho projeitu ba sektor petrolifera iha costa sul ba dezenvolvimentu dezentralizado iha nivel distrital no lokal, klaru ba dezenvolvimentu ita nia kapital humanu.
PM hatutan, governu AMP ukun la halo buat barak maibe ami iha konsiensia ba ida ne’ebe maibe husi buat balu ne’ebe konsege halo ona, ami mos rekunhese katak,governu la halo mesak ami sempre konta ho partisipasaun aktiva Presidente da Republika nian ho mos kolaborasaun dinamika no fulcra husi PN tantu husi deputados AMP nomos deputados oposisaun nian no bele dehan katak,oposisaun ida ke forti no esclarisida tebtebes hodi buka solusoes atu resolve problemas kritikus barbarak ne’ebe estado infrenta iha ninia konstrusaun rasik.
Tinan 2012 hanesan tinan ida nebe importante tebtebes ba ita nia joven demokrasia no ba nia prosesu konsolidasaun rasik nudar nasaun soberana, tolerante ne’ebe halao dadaun dezenvolvimentu
Iha fulan Januariu tinan ida ne’e, iha apresentasaun OGE 2011 nian hau apela atu ita hotu dissemina valores moral politika nian no hametin liu tan konfiansa povo nian ba futuru hodi nune’e hametin harmonia sosial liu husi estabilizasaun toleransia demokratika agora hau hakarak ho laran tomak hato’o iha uma fukun Parlamentu Nasional ne’e hau nia votos ba povo tomak no liliu ba joventude no mos ba timor oan sira ne’ebe responsaveis ba pais ne ninia destino atu ita hotu hatudu bam undo tomak katak,ita hatene duni exerce ita nia direitu responsabilidade no hamutuk ita hotu sei garante katak, prosesu eleitorais sei lao iha klima ne’ebe hakmatek tebes ho harmonia sosial no politika.
Kay Rala Xanana Afirma katak,orsamentu geral estado tinan 2012 reflecte uluk liu objetivos Dezenvolvimentu ne’ebe halibur hamutuk iha planu Estrategiku Dezenvolvimentu ne’ebe lansa iha fulan julho. PEDN ne’ebe abrange areas krusias tolu ba dezenvolvimentu nasaun nian Kapital Sosial, Infra-estrutura ho Dezenvolvimentu Ekonomiku .
Nia salient liu tan katak,tinan oin mai ita sei mehi buat mesak bo’ot ,hasoru dezafiu mesak todan no hahu fase investimentos nasionais ne’ebe bo’ot duni .implementasaun desenvolvimentu lori mos nesesidade kona ba investimentu bo’ot pelo menus durante primeirus cinco anos execusaun maibe ita hotu hatene katak,atu transforma mehi ho aspirasoes ita nia povo nia sai realidade ne’e investimentu ida ne’ebe lori retorno incalculavel.
Discussion about this post