Radio, online – Front Mahasiswa Timor Loro Sa’e (FMTL) hamutuk ho komunidade Bidau Lecidere hanesan nain ba rai kontra PNTL Distritu Dili, Unidade Task Force hadau malu spanduk husi FMTL bainhira halao asaun greve hasoru rai ne’ebe sei disputa. Insidente ne’e mosu iha Sesta, (28/10).
Porta Voz FMTL Carlino Margues liu husi pres konferensia hateten, ohi loron halo aktividade asaun greve ne’e no naran “asaun boikotu” tanba rai ne’ebe komunidade Bidau Lecidere sira hela sei disputa hela.
Porta Voz ne’e hatutan, asaun greve ne’e bazea ba lei kodiku prosesu sivil artigo 334 alinea 2 ne’ebe hateten, banhira rai ne’e disputa konstrusaun ne’e la bele halo tamba ne’e, tuir lei FMTL fo embargo.
Tuir nia polisa rasik ho nia membru mai halo mediasaun hodi halo akordo katak rai ne’e sei disputa hela, see bainhira prosesu ne’e ba tribunal, see mak manan mak kontinua halo konstruksaun, maibe rai ne’e disputa nia laran konstrusaun labele lao lai, bazeia ba lei, ida ne’e mak disputa ba rai hanesan dalan legal.
Pres konferensia sidauk remata, derepente membru Task force ameasa hasai lia fuan hodi hatenen, “orden husi Komandante PNTL Distritu Dili Pedro Belo katak oras ida ne’e kedas imi idi-dak fila ba iha fatin no labele halo asaun tan, tamba relatoriu nebe tama iha komandante ne’e loas loron ohin tamba ne’e banhira ita boot sira la simu PNTL rasik sei foti medidas”dehan membru Task force ida ba estudante sira.
Iha asaun ne’e FMTL ho nonok non violensia, la halo buat ida. Antes FMTL atu halo asaun ne’e hetan koinhesementu husi Xefi suku, Xefi Aldeia no PNTL.
Hatan ba problema ne’e Porta Voz Carolino afirma, FMTL nudar peskiza no advokasia ba problema rai, FMTL sei la para ho katividade, tamba bainhira FMTL atu halao asaun ne’e iha ona akordo hetan kunhesementu Komandante PNTL bazea ba lei.
Tuir observasaun, Task force tenta hapara FMTL nia aktividade maibe FMTL lakoi para mosu asaun estudante ho komunidade hamutuk rasta malu spanduk ho task force. Husi rsta malu standuk ne’e halo task force ran sae hodi tebe estudante balu nia ain ho botas to’o kanek baku liman ho stick to’o kanek alende ne’e estudante balu to’o oin nakukun (pinsang).
Husi asaun ne’e task force sira la konsege hasaun spanduk husi estudante sira nia liman.
“Ami sei la fo sapanduk ne’e tamba povo barak iha distrito tomak barak problema ho rai. tamba ne’e sira kaer spanduk ne’e metin hodi toba iha rai. Polisia sira brani tiru deit ami, mate mos mate tanba rai,” dehan Carolino.
Discussion about this post