Radio online – Prezidenti Komisaun F Inacio Moreira deskonten ho governasaun AMP ne’ebe durante ne’e fakar orsamentu ho kuantidade bo’ot US$300,00 miloens maibe la fo benefisiu ba povu.
Inacio hato’o kestaun ne’e ba radioliberdade.com iha uma fukun PN Kinta, (27/10). Inacio hatutan, tinan hat nia laran inklui OGE tinan 2012 loka hamutuk sei la iha benefisiu ba komunidade.
“Ita hare dadaun projetu fiziku sira uituan liu ida ne’e mak ita tenke husu, ejemplo ida mak be’e mos sira monta pipa barak maibe be’e nafatin la tun, estrada laiha kualidade,” Inacio kestiona.
Inacio husu kestaun ne’e entidade hotu labele nonok deit presiza hare hamutuk no tu’ur hamutuk hodi hanoin lisuk. Osan povo nian mak governu AMP jere mosu failansu bo’ot, tamba iha aliansa ne’e mak halo governante sira la rona malu.
Hatan ba Deputadu Inacio pontu de vista ne’e, Ministra Finansas Emilia Pires dehan, governu ne’e aprova osanmento kada tinan ne’e ba Povo laos ba governu AMP.
Emilia kontinua, see governu ne’e ema seluk mak kontiunua fali, ema hotu presiza kritika no husu atu osan sira ne’e tuir sistema jestaun finanseiru. Osan neb’e la gasta sei fila fali ba kofre estado no fundus ba infrastruktura tenki kontinua nafatin.
“Osan sira mak Ami la gasta sei haruka fila fali ba kofre estadu nain atu nune’e governu foun mak mosu mai lori osan hirak ne’e kontinua ba dezenvolvimentu nasaun ne’e nian,”Emilia konfesa.
Discussion about this post