SED Husu FM Halo Relatoriu ho Kredivel Bazeia Informasaun no Investigasaun Ne’ebe Klean

Radio, oinline – Sekretariu Estado Defesa  Julio Tomas Pinto husu ba sosiedade sivil Fundasaun Mahein (FM) ne’ebe durante ne’e halao monitosizasaun peskiza no halo advokasia ba seitor seguransa no defesa tenki hakerek relatoriu ho kredivel, bazea   ba informasaun no ivestigasaun ne’ebe klean.

SED Julio Tomas Pinto hato’o lia hirak ne’e wainhira partisipa iha Workshop ne’ebe organiza husi NGO Fundasaun Mahein Ho Tema “Uza Lei Seitor Siguransa Nian Hodi Peskiza”, ne’ebe halao iha Otel Vila Verde Dili Sesta foin lalais ne’e.

Julio iha palestra hateten katak, FM hanesan sosiedade sivil ida ne’ebe uniku iha Timor Leste tamba ida ne’e  Timor oan rasik mak hari’i ne’ebe tau matan ba defesa seguransa. FM nia kna’ar ne’e importante tebes  ba TL liliu oinsa fo hanoin ba governu no hafanu ema sira ne’ebe sei toba dukur hela.

Julio afirma liu tan, FM mos durante ne’e halao servisu iha parte seguransa nian tamba ne’e relatoriu ne’ebe fulan fulan  FM halo ne’e laos governu la konsidera  atu lei maibe governu liu husi  defesa seguransa sempre tau matan ba relatoriu sira ne’e..

Diretur FM, Nelson Belo hateten katak, objetivu husi Workshop ne’e atu oinsa ita hotu bele dezenvolve lei sira iha seitor seguransa nian  tamba ita hotu hatene katak,durante ne’e ita nia lei barak liu mak hakerek h iha draf antes atu  aprova iha parlamentu nasional ou promulga husi presidente Republika o lian ofisial portugues ladun barak hakerek  ho lian tetun tamba ne’einisiatifa ne’ebe suporta husi governu irlandia oinsa halo tradusaun ..

Nelson Belo hateten katak,  workshop  husi tema ida ne’e laos importante deit ba seitor seguransa nia deit maibe mos importante tebes jornalista sira oinsa uza lei hodi peskiza no hakerek atu nune’e ita nia hakerek sira ne’ebe fo sai  husi jornal sira ne’e tuir bazea legalisaun .

Iha parte seluk  representante husi komisaun B Parlamentu nasional Paul Fatima Martins hateten katak,workshop ida ne’e importante tebes ,NGO fundasaun Mahein ida ne’ebe parseiru diak  ne’ebe dala barak  fo sira nia hanoin no mizasaun kona ba oinsa atu bele timor leste hetan paz  iha sosiedade nia let.

katak nia, durante ne’e FM  fo kontribuisaun makas ba iha parte seguransa nian ne’ebe  halao iha Seguransa maritima,no seguransa  iha perbatasan no mos  monitorizasaun ba iha orsamentu  geral estado ba seguransa defesa.

Paul espera katak, peskiza ne’ebe durante ne’e  FM halao ne’e tenki mantein  nafatin  atu nune’e bele hatene lalaok servisu seguransa  defesa  iha nasaun timor leste.

Iha workshop ne’e  hetan partisipa husi Secretariu estado Defesa,Representante Embaixador Irlandia,Representante Parlamentu Nasional,Estudante UNTL no NGO Nasional.