Radio Online, – movimentu kamponezes Timor Leste (mokatil) organiza akampamentu nasional hodi promove produtu agrikultor sira liu husi aktividade expozisaun no promosaun ne’ebe hala’o durante loron tolu iha kampus UNPAZ husi loron sabadu (15/10) to’o Segunda feira (17/10).
Kampamentu nasional Mokatil ne’ebe ho topiku espesifiku “soberania aihan maka dalan ba hamenus kiak no hamlaha” ne’ebe realize iha loron sabadu (15/10) foin dadauk ne’e iha kamapus Universidade da Paz (UNPAZ), ho objetivu atu enkoraja produtor no konsumidor sira, liu-liu ema Timor oan sira hodi nune’e iha konsiensia katak ita iha produtus rasik no presija ita tenki hadomi ita nia produtu local ne’ebe ita iha. Lia hirak ne’e hato’o husi Koordenador Geral Mokatil Arsenio Pereira da Silva ba jornalista iha fatin akampamentu hafoin halo ninia palestra publiku ba partisipante sira.
Alende expozisaun ba produtu local, aktividade seluk ne’ebe organija husi Mokatil maka hanesan loke diskusaun publika, edukasaun politika agrikultura, marsa no diskusaun nakloke ba isu ka tematiku hat (4) hanesan isu ba rai,fini, aihan no isu ba konsumidor. Isu hirak ne’e sei diskuti no ninia rezultadu sei foti hanesan baze hodi rekomenda ba Guvernu liu-liu Ministeriu Agrikultura hodi nune’e bele sai referensia hodi halo lei. Tamba to’o agora seidauk iha lei ne’ebe proteje vida no produsaun agrikultor sira.
Iha ninia intervensaun ba media, Arsenio mos hateten katak liu husi expozisaun ida ne’e hakarak hatudu katak ita iha produsaun ne’ebe mai husi ita nia produtor rasik. Maibe tamba ita seidauk iha sistema, lei ou politika ne’ebe proteje sistema konsumu nian, tan ne’e importasaun produtu estranjeiru sei domina nafatin produsaun rai laran nian. Situasaun hanesan ne’e maka hamate motivasaun agrikultor no produtor lokal sira hodi halo extensifikasaun ba sira ninia produsaun.
Ho nune’e maka eventu loke expozisaun no halo atividade hirak ne’e atu atrai Timor oan hotu nebe’e partisipa bele halo direitamente produtu nebe’ed agrikultoires prepara, no iha tempo hanesan mos fo hanoin ba publiku katak produteres iha nia produsaun. No ita bele hamrik mesak sem tabele ba produtu importansauun.
Iha eventu akampamentu ne’e partisipa hosi reprezentante agrikuultores 13 distrito hanesan handicraft, grupo agrikultor sira, grupo peskadores no grupo kooperativa ki’ik oan sira seluk. No atividade ne’e sei reamata iha loron seguunda (17/10), loron mundial ai-han.
Razaun hosi komsaun organizadora hili fatin UNPAZ nudar fatin akampamentu nasional tanba kampus hanesan sivitas akademika nebe’ed kompostu hosi estudantes no akademiku sira nebe’e mai distrito no fatin oi-oin, ho intensaun atu sira bele hatene ho hatutan ba ema hotu katak ita iha ona produsaun.(produtu lokal).
Alende ne’e eventu ne’e mos realiza tanba iha serrbisu hamutuk ho fakuldaded teknologia agrikultura ( UNPAZ) liu-liu iha departamentu proisesamentu ai-han nian. Tuir tan mai, akampamentu nasional ida ne’e la’o ho diak no susesu tanba hetan ajudu finanseiro ho Oxfam ho montante U$ 9.700,- nfo aumenta konntribuisaunn hosi komisaunn organizadora ne’e rasik.
Iha fatiin hanesan reprejentante agrikuoltur hosi Distriito Manatutu ” Juolião” iha nia intervensaun hateten katak nia orgullu hfo atividade hanesan ne’e tanba fo espasu ba sira liu-liu motivasaun hodi halo produsaun nebe’e makas liu.maibe nia mos lamenta ba guverno liu-liu Ministra Justisa atu rejolve problema rai ho justu no balansu tanba sira nia produsan no atividade moris depende liu ba rai.
Hare hosi esensia atividade nerbe’e signifika tebes ba vida produtor sira, Mokatil halo ona planu atu extende ba Distritu ho eventu hanesan iha tinann oin. Tanba Mokatil hamriik hanesan organizasaun Não guvermental nebe’e luta ba vida agrikultores no soberania ai-han liu hosi proemeve produtu lokal iha rai laran.
Discussion about this post