Radio, online – Fundasaun Lialos husu ba Prokurador Geral da Republika (PGR), Ana Pesoa Pinto prosesa lalais kazu indikasaun halo korupsaun husi Ministru Edukasaun Joao Cancio Freitas, ne’ebe durante ne’e halo, tamba kazu refere konsidera hanesan Kazu abuzu poder no mall administrasaun.
Advogado fundasaun Lialos Angelica de Sousa hato’o asuntu ne’e liu husi konferensia da emprensa Tersa, (27/9/) iha edifisiu Pantal Kelapa, Dili.
Advogadu ne’e informa, wanhira Fundasaun Lialos fo sai kazu bauzu poder husi Ministru Joao Cancio iha fulan ida liu ba, Fundasaun Lialos hetan ona evidensia barak atu halao ona prosesu. Maibe Fundasaun Lialos hetan tan evidensia seluk mak hanesan Ministru Joao Cancio, iha indikasaun korupsaun agora dadun hari uma hanesan “istana” iha nia moris fatin Ostiku –Loilubo. Uma ho medida 12 x 20 m. Uma nia luan hanesan palacio d nobre, ne’ebe monta seguransa hodi hein uma refere .
Liu husi nalaiza Fundasaun Lialos, kalkulasaun orsamentu ne’ebe maka uza hodi halo uma ne’e ho orsamentu maizumenus Miliaun dollares amerikanu. Fundasaun Lialos deskonfia , uma refere uza orsamentu ne’ebe aloka iha Ministeiru Edukasaun hodi aloka ba privadu.
Tuir Angelica, oras ne’e dadaun kazu refere mos Fundasaun Lialos resisto ona PGR iha dia 15 Setembru 2011, foin lalais ne’e. Nune’e mos iha loron hirak liu ba dokumentus husi peskiza entrega mos ba Prezidente da Republika, Primeiru Ministro, Prezidente Parlamentu Nasional no Auditoria Finansas .
Iha fulan hirak liuba ba relatoriu Fundasaun Lialos kondena abuzu poder Ministru Joao uza osan estaudu nian hodi halo eskritoriu iha uma no uza via telefone no sosa sasan iha uma laran uza osan estadu nian.
Responde ba kazu ne’e, Ministro Joao Cancio rasik deklara katak, Ministru Joao Cancio uza osan estadu nian hodi loketan kuartu sai hanesan eskritoriu tanba salariu la sufisiente. Eskitoriu ne’e ho kuartu hat (4), kuartu balu ba esklotu. Ministru Jooa Cancio rekonhese duni katak, usa osan no sasan estado nian nune’e mos uza osan estadu hadia uma privadu iha Becusse.
Advogadus Angelica nafatin sadik Ministru Joao Cancio ho Adao Soares atu halo klarifikasaun ba publiku kona ba orsamentu U$1.4 milioes ne’ebe gasta tiha ona.
Fundasaun Lialos rekomenda ba governu atu halo investigasaun ba kazu ne’e, husu ba PM Xanana Gusmao atu hasai karta suspensaun imidiatu hasoru Ministru Joao Cancio hodi submete ba justis. Husu mos ba iha Parlamentu Nasional atu hasai Ministru Joao Cancio nia imunidade tuir lei, hodi nune’e autor korupsaun bele ba hatan iha tribunal.
Manuel Soares hanesan sidaduan hateten, kazu hanesan Ministru Joao Cancio nian ne’e halo moe deit, sai Ministru tiha ona mos atu halo uma sei naok osan povu nian. Manuel hatutan, tuir lolos Ministru Joao Cancio hatene-an deit, tanba iha nasuan ne’e atu ba ukun-an ne’e, Joao Cancio laiha kontribuisaun no defende integrasaun Timor ba Indonezia.
“Hau ema povu ki’ik ne’ebe vota ba ukun-an no ba partido AMP kaer governu ne’e, hau husu ba Xanana hasai tiha Joao Cancio haruka nia ba justisa hodi julga nia no hatama iha kadeia,”Manuel hateten ho oin mean wainhira rona kazu ne’e.
Discussion about this post