Radio, online – Numeru Timor oan komesa aumenta sai nudar trabalhadores. Iha Segunda, (26/9) Timor oan nain 6 aranka ba Korea do Sul. Nain 2 servisu iha fabrika no nain servisu iha area peskas. Ho nain 6 ne’e, total Timor oan ba servisu iha Korea do Sul hamutuk 559, feto nain 6. Nain 23 mak fila ona mai TL, inklui feto ida tanba isin rua.
Director Geral Interino Sekertario Estado Formasaun Profesional Empregu (SEFOPE), Albano Salem liu husi serimonia despedida iha edifisiu Kaikoli hateten, objetivo husi Timor oan nain 6 ne’e atu kompleta tan maluk sira mak ba servisu iha Korea do Sul.
Albano hatutan, kompanha fabrika no iondustria ikan nian mai husu lalais ema atu ba servisu iha neba, liu husi prezensa emabassada Horea nian iha ne’e. Bazeia ba pedidu ne’e SEFOPE hare ba ema sira mak tuir kursu lian Korea nian mak hatete uitoan ona no halo selesaun, mak didisi nain 6 haruka ba.
DG Interino SEFOPE ne’e esplika liutan konaba trabalhadores sira balu fila fali mai Timor, raba trabalhadores hirak ne’e la kompri regras ne’ebe kada Industria tau hela. Iha problemas mos konaba lingua nian. kursu ne’ebe mak fo iha ne’e la han malu ho iiha fatin servisu nian, tanba iha Korea mos lingua barak. Lian ne’ebe hetan iha kursu oin seluk ho logat seluk, mais ba servisu iha neba lia seluk fali, ho ida ne’e timor oan balu lakoi servisu hodi hili fila mai Timor.
Ba oin, SEFOPE iha estratejia foun hodi serbisu ho parte Igreja Katolika iha Korea do Sul atu fo moral ba trabailadores Timor ona sira iha Korea,’dehan Albano.
Trabailador Costantino de Jesus, sente kontente tamba bele hetan oportunidade ba serbisu iha Korea, hanesan dalan bele sustenta familia nia moris iha futuru.
“Hau hili iha are fabrika ropa nian. Hau sei resposibilidade ba area ne’ebe hau hili hodi servisu ba. Osan ne’ebe hau hetan hau sei haruka mai hau nia inan-aman no alin sira hodi ba eskola,”nia konfesa.
Liu husi Costantino, husu ba Governo atu buka dalan ba Juventude ne’ebe seidauk hetan serbisu fasilta ba bele mos ba iha Korea ou nasaun seluk hodi buka osan.
Discussion about this post