Radio, online – Partido Partai Damai Sejahtera (PDS) husi Indonezia ho nia ekipa hasoru malu ho Sekertario Jeral partido FRETILIN Mari Alkatiri. Iha enkontru entre partido rua ne’e foka liu ba stabelesementu kadernizasaun relasaun partido rua ne’e iha futuru.
Prezidenti PDS Denny Twe ho delegasaun simu direitamente hsui Sekertariu Jeral FRETILIN Mari Alkatiri ho Delegadu Nasional iha Comite Central FRETILIN (CCF), Tersa, Komoro, Dili (20/09).
Inklui kadernizasaun partido politik rua ne’e nian. Tuir PDS ba futuru dezenvolvimentu demokrasia iha Timor Leste nia demokrasia diak liu Indonesia. Ne’e duni PDS senti orgulhu bele halo relasaun entre partido ho FRETILIN.
Prezidenti PDS, Denny Tewu hateten, objetivu husi hasoru malu ne’e hodi koalia kona ba estabelesementu relasaun iha aspeitu dezenvolvimentu, liliu infrastrutura iha future.
Aleide ne’e dezenvolvimentu demokrasia, tanba iha seitor balu seidauk dezenvolve, hanesan parte turizmu nian no oinsa rekoila riku soin iha rai laran. Nia apresia tebes PDS hetan dalan hodi halo relasaun ho partido nomos parte estado timor Leste.
Prezidenti PDS ne’e husu ba Timor oan tenki badinas no hak’as an iha parte dezenvolvimentu nian atu nune’e TL sai nasaun avansad.
“Hau kontenti bele mai hasoru malu ho ulun bo’ot Partido FRETILIN ne’ebe bo’ot iha TL ,”dehan Denny ho orgulhu. Aleinde ne’e mos partido FRETILIN fahe esperensia prosesu demokrasia ne’ebe lao dadaun iha nasaun ne’e.
Sekertariu Geral Partido FRETILIN Mari Alkatiri reforsa liutan, hasoru malu intre partido FRETILIN no PDS importante tebes bele rona partido sira husi Indonesia nian opiniaun rasik ba dezenvolvimentu demokrasia iha Indonesia,”Alkatiri konfesa.
“Aban bainrua ita dezenvolve relasaun diak liu tan hodi fahe esperensia ba malu hanesan kadernizasaun no kapasidade organizasaun entre partido rua iha futuru.
Discussion about this post