Dili,25/03/2024–Asosiasaun Defisiensia Timor-Leste (ADTL), no Instituto Nasional Seguransa Sosial (INSS) halo diskusaun hamutuk ho membru difisiénsia sira atu partilla informasaun kona ba asuntu lei nu. 53/2022 divulga ba lei nu. 8/2024, ne’ebé subsidu ba idozu, ema ho difisiénsia no seguransa social inklui termus Invalides.
ADTL no INSS halo fahe informasaun ba EhD kona ba lei nu. 53/2022 divulga ba lei nu. 8/2024.
Husi baze fundamental iha artigu 56 no artigo 21 Governu hamosu ona Dekrettu lei nu.19/2008 kona-ba subsidu ba idozu no ema ho difisiente ne’ebe koloka ho termus INVALIDES ne’ebe aprova husi konselhu Ministru iha altura ne’eba lideradu husi Kayrala Xanana Gusmão iha loron 7 Maio 2008.
Tuir Diretor ezekutivu ADTL Cesario da Silva hatete di’ak liu subtitui tia termus INVALIDES aleinde ne’e sira mós preokupa kona ba maluk sira ne’ebé servisu iha organizasaun publiku no privadu ne’ebé antes ne’e simu subsidu maibé ho revulgasaun lei ida ne’e iha fali mudansa, sira ne’ebe uluk simu agora la bele simu ho razaun katak lei ne’e hatete sira kontribui ona ba seguransa social.
“Ami nia preokupasaun mak ne’e seguransa social, subsidu no termus INVALIDES ne’e diferente hela tamba ne’e ami presiza hatene klarifikasaun ida ne’ebe lolos tanba ami presiza halo mudansa ba dekretu lei no termus hirak ne’e ita koloka ba ema, ita konsidera ema ne’e la vale entaun preokupasaun hirak ne’e ami hakarak hato’o ba governu atu bele truka subsidu Invalides ho naran hanesan subsidu ba ema ho difisiensia ne’e di’ak los no mos bele halo mudansa ba lei nu.8/2024,”dehan Cesario iha edifisiu ADTL hafoin halo diskusaun ho EhD sira.
Iha fatin hanesan prezidente konselhu Administrasaun Institutu Nasional de Seguransa Sosial Arlindo Pinto hatete agradese ba ADTL tanba fo opournidade ba nia atu partilla informasaun sobre dekretu lei 53/2022, revulga ba lei nu.8/2024 nian ne’ebe mak husi artigu 17 interpreta hodi suspende ba pensaun social ne’ebe maluk difisiénsia sira simu, tanba durante ne’e ema difisiénsia no kataus ferik sira konsidera hanesan traballdor ne’ebe kontribui ba seguransa sosial.
Prez konselhu Administrasaun INSS Arlindo Pinto
“Liu husi diskusaun hirak ne’e hau rezista hela rekomendasaun lubuk ida husi ADTL no ita nia maluk difisiénsia atu nune’e sa’e hanesan materia ida hodi ami lori ba diskuti hamutuk ho MSSI nune’e ba futuru bele haree no fo espasu, kondisaun sira ne’ebé mak di’ak liu ba maluk ema ho difisiénsia sira,” dehan Arlindo ba Jornalista iha iha salaun ADTL.
Iha dekretu lei ne’e hatudu iha komitmentu Governu ba asistensia sosial hodi tulun sidadaun ne’ebe konsidera vulneravel, tamba iha artigu 56 defini kona-ba seguransa no tulun sosial nian ne’ebe sita iha Alinea 1 katak sidadaun hotu iha direitu ba seguransa no asistensia sosial tuir lei haruka alende iha artigu 21 K-RDTL ko’alia kona ba sidadaun ne’ebe difisiénsia tanba ne’e husu governu atu tau importansia ba ema hotu liliu ba ema ho difisiénsia sira.
Discussion about this post