Radio, online – Estudante Universidade Nasional Timor Lorosa’e (UNTL) husi fakuldade Agrikultura liu husi kobransa sosial husi komunidade Dili laran konsege hetan osan hodi sosa nesesidade baziku hodi ajuda vitima sunu uma iha suku Tasilin aldeia Galitas, Sub-Distritu Zumalae, Distritu Kovalima.
Porta voz estudante UNTL Fakuldade agrikultura Isac da Gama ba radioliberdadedilionline iha salaun UNTL Segunda, (19/9) hateten, objetivu husi kobransa komunidade iha Dili laran atu ajuda inan- aman ne’ebe agora dadaun infrenta hahan menus.
Tipos nesesidade baziku ne’ebe sei ajuda mak hanesan, Fos (25 Kg) sakas 169, Bimoli dos 5, sabaun dos 182, rinso dos 16, kaderno ho lapizeira dos 4, kaneka kopu masa lusin 94, kanoru lusin 94, bikan masa lusin 97, balde iha 134, masin midar karon 2, masin dos 2, biskiut segi empat dos 6 no mina manas dos 12.
Sasan nesesidade baziku hirak ne’ebe atu distribui hetan osan husi kobransa hamutuk no ajuda husi instituisaun ho total US$ 4870,00.
“Ita semana ne’e nia laran distribui ba vitima sira husi konfrontu entre artemarsiais ne’e,” Isac konfesa.
Elia da Costa Araujo dehan, durante halao asaun solidaridade iha Kapital Dili infrenta problema hanesan iha Kolmera,
Xefi Suku husu karibo, maibe estudante sira la iha karimbo ne’e mak komunidade la fo kontribusaun ba estudante sira.
“Dikfikulade ne’e la impede ami nia asaun solidariedade. Hau husu deit ba Xefi suku Kolmera atu tau neon kultura sosial Timor oan nian hodi ajuda ita nia maluk sira mak infrenta ba aihan. Hau husu Xefi Suku sira atu hapar birokrate ne’ebe la fo dalan ba prosesu dezenvolvimentu iha nasaun ne’e,”nia komenta.
Discussion about this post