Radio, online – Tribunal Distrital Dili Kuarta (14/9) kontinua halao julgamentu ba kazu Christopher Henry Samson ne’ebe Ministeriu Publiku deskonfia tama ilegal mai nasaun Timor Leste ho dokumentus falsu.
Kazu ne’e prezidi husi Juiz kolektivu Rosa Brandao, Juiz Internasional Antonino Fonseca ho Jose Goncalves, Defensor Pedro Apolonariu no Sergio Hornai, Ministeriu Publiku Remilia de Fatima no Felismino Cardoso
Antes Tribunal Distrital Dili, le’e sai akuzasaun husi Ministeriu Publiku kona ba Christopher Henry Samson nia identidade lolos no tuir faktus ne’ebe Ministeriu Publiku hetan no investigasaun ne’ebe halo husi Polisia Imigrasaun katak polisia indentifika Christopher Henry Samson mai TL ho dokumentus Angolano ho dokumentus falsu.
Iha dokumentus falsu balu mak arguido Christoper Henry Samson hanesan halo falsu sertidao batismu nian, ne’ebe mak iha sertidao ne’e nia laran iha fotografia Nosa Senhora, maibe tuir sertidao asli husi parokia Nosa SenhoraImaculada Bobonaro laiha sertidao batismu ho fotografia Nosa Senhora nian.
MP iha dokumentus ne’ebe rekoinese arguido laos ema Timor oan, maibe nia ema mai husi estranjeiru tanba ne’e, MP haruka polisia Imigrasaun ho Ministeriu Justisa mos halo investigasaun ba kazu. MP konsedera arguido Christopher laos ema Timor oan no nia mai iha TL ho dokumentus falsu
Antes mai iha TL, arguido Chistopher hela iha Indonezia, iha fen ida ho oan feto ida. Depois mai iha TL Christopher mos hola feto Timor oan dehan ninia tunangan husi Bobonaro. Husi forma uma kain hetan feto oan ida, maibe familia ne’e la kontinua.
Foin lalais ne’e Christopher hola tan feto ida husi Distritu Ermera agora sira hela hamutuk iha Kampung Baru. Iha planu ba serimonia kazamentu hetan kansela tanba fen husi tunangan ba hato’o kazu ne’e ba Amo Bispo Dioese Dili.
Tuir Defensor husi Arquido Pedro Apolinario no Sergio Hornai katak banhira atu hatene lolos kazu ne’e mai husi ne’ebe no nain maka se’e ,tamba buat ne’ebe ami hatene MP maka foti uluk asaun ne’e.
“Christopher Henry Samson hateten katak, akuazasaun ne’ebe husi Ministeriu Publiku horseik no ohin fo sai iha julagamentu ne’e lia fuan balu los no balu la los, maka hau mai la lori dokumentus falsu , hau ema timor Bobonaro nia oan no hau mai la usa dokumentus falsu,”dehan defensor Apolinario tuir Cristoper antes ne’e hateten sai ba publiku.
Iha biban ne’e, arguido Crsithoper Henry Samson hateten katak, karik Polisia no Ministeriu Justica rekoinese dokumentus falsu tanba saida maka to’o ohin loron sira sidauk kaer hau hodi hatama hau ba iha prizaun. Maibe Christopher mos rekoinese katak, dokumentus ne’ebe Ministeriu Publiku aprezenta iha tribunal Distrital Dili ne’e falsu.
Entertantu familia husi Christhoper Henry Samson, Moises San Leite hanesan sasin hatete, konaba kazu ne’e bainhira julgamentu iha TDD katak nia mos koinese Cristhoper hanesan ninia inan bo’ot nia oan. Moises uluk nia sei ki’ik oan tinan sia (9) hanesan ne’e Christopher mos tinan tolu (3) ninia aman Domningos Samson maka lori nia ba iha Angola.
Moises San Leite iha julgamentu ne’e katak, nia laos ema Angola maibe ema Timor oan tanba nia inan husi Distritu Bobonaro no nia moris iha Bobonaro, bo’ot mak iha ema nia rai. Sasin Moises nia ferik oan Carmelita Goncalves mos hateten katak kazu mosu sai ba publiku no lori malu mai Tribunal tanba problema iha uma laran. “Ami nia ema balu iha uma laran mak la gosta Christopher hodi nune’e mak ami lori malu mai to’o tribunal, lolos ne’e Christoper ema Timor nian oan,”nia konfesa.
Iha prosesu julgamentu, sasin arguido Christoper, Moises hato’o ho lia fuan bosok tanba la tuir deklarasuan ne’ebe antes ne’e hato’o ba polisia Imigrasaun la han malu ho iha prosesu julgamentu. Ho ida ne’e defensor husi MP ho sasin Moises hakilar malu, hodi situasaun sai baroilu. Maibe juiz sira mak prezidi kazu ne’e husi ba familia sira hakmatek no respeitu prosesu tomak lao iha tribunal.
Kazu ba arguido Cristhoper Henry Samson seidauk hetan final nos juiz sira dehan kazu ne’e sei kontinua, tanba agora sei iha sasin 7 mak seidauk fo sira nia deklarasaun. Agora dadaun Christopher sai Diretur ba sosiedade sivil iha area luta ba korupsaun, Lalenok Ba ema Hotu (LABEH).
Discussion about this post