Radio, online – Ministra Justisa Lucia Lobato hakat ba Parlamentu Nasional hodi husu ba komisaun A iha fulan Outobru tinan ne’e nia laran atu diskuti lalais lei konaba ba rai nian hodi hetan aprovasaun no bele implmenta antes AMP nia mandatu remata.
“Ita nia esbosu lei ba rai nian lori tina ona ba PN, durante tinan rua ona. Hau husu ba Deputadu fo atensaun ba lei ne’e atu bele aprova iha antes de fin do ano, tamba ne’e Deputado sira sei buka tempo atu diskuite lorloron atu aprova lalais.
Tamba ne’e ita hein katak fulan Outobru PN hamutuk ho Governu halo aprovasaun,”dehan Lucia ba jornalista hafoin halo diskusaun ho komisaun A foin lalais ne’e.
Lucia husu ba Komisaun A atu diskusaun no aprova lalais ba lei Rai nian ne’e hanesan dalan atu rezolve problema rai durante akontese iha Timor Leste.
Vice Sekretaris Komisaun A Deputado Rui Meneses hateten, tuir esplikasaun husi Ministra Lucia iha artigo rua mak diskoite hanesan artigo 54 ne’e kolia konaba propriedade privada no artigo 141 konaba rai mos bele fo dezenvolvimentu ekonomiko nasaun nian.
Lei pakote rai nian ne’e, atu rezolve problema ne’ebe povu infrenta no bele difini didiak oinsa povu ida atu hetan rai hodi halo hela ba. Noomos oinsa atu fahe rai ne’e ba ema kibit laek atu hetan hotu rai hodi hela.
“Ita nia konstituisaun sidadaun Timor oan iha direitu hetan rai pedasuk ida hodi hela ba no direitu atu moris iha rai ne’e nia leten,”Rui realsa.
Rui Meneses hateten iha nasaun ne’e kategoria ba rai nain ne’e hanesan sai hanesan problemas tolu mak hanesanpremeiru, ema balun sei uza rai tradisional tamba ne’e rai fuik maran mos ema dehan ne’e nia rai hotu. Segundu, sertifikadu rai ba sidadaun balun deit iha tempo Portugues ohin loron mak ita hare ema okupa rai barak. No terseiru rai ne’ebe fa’an tiha ba ema indonezia agora balu uza ba privadu.
Discussion about this post