Dili 11/12/2023–Assosiasaun Jornalista Timor-Leste ho ONG Lao Hamutuk realiza atividade formasaun Média Briefing ne’e atu empodera jornalista sira hodi komprende no halo kobertura, inklui produs nótisia ne’ebé kritiku no klean ho tema “Estabelesemntu sentru média hodi monotoriza prosesu debate iha parlametu Nasionál”
Tuir peskizador Lao Hamutuk Mariano Feireira hatete katak objetivu husi média briefing ne’e halo atu hasae koñesementu jornalista sira nian hodi produs nótisia ne’ebe klean no kritiku tuir dadus ne’ebé Lao Hamutuk fasilita ona ba jornalista sira liga liu ba OJE tinan 2024 ne’ebé mak sei investe iha rai laran.
“Ha’u hanoin materia ohin loron ne’e importante los ba média jornalista sira tanba ONG Lao Hamutuk halo peskiza kona ba OJE kada tinan-tinan iha 13 munisipiu inklui RAEOA ami haree orsamentu ne’ebé governu investe ba setór agrikultor menus liu no moris agrikultor iha rai laran ne’e laiha dezenvolmentu”, nia dehan ba equipa jornalista iha farol,11/12/2023.
Liu husi dadus ne’ebé ONG Lao Hamutuk iha liga ba OJE tinan ida ne’e atu hafasil liu jornalista hodi halo kobertuta ba iha parlamentu Nasional ne’ebé mak sei realiza tuir kalendário iha loron 12 Parlamentu nasionál sei halo debate hodi investe OJE ba iha rai laran.
Tuir partisipante Jaquel Martins do Carmo hatete nia kontente partisipa iha formasaun média briefing ne’e tamba ONG Lao Hamutuk iha peskiza ne’ebé mak di’ak tebes hodi hare liu ba iha OJE ne’ebé mak investe la balansu iha 13 munispíu liu-liu setor Agrikultor, Edukasaun, saúde.
“Formasaun ne’e kapas tebes tamba durante ita hatene de’it mak total orsamentu 2.2% ba iha setor agrikultor maibe ita la deskobre bai ha orsamnetun ne’ebé mak sira investe ona, maibé liu husi formasaun ida ne’e ha’u mós hatene oituan ona konaba OJE iha tinan ida ne’e “dehan Jaquel Iha atividade formasaun Média Briefing ne’e, AJTL kolobora ho ONG Lao Hamutuk, OXAFM Timor-leste, Hadomi Timor Oan no Core Croup Transparency.
Jornalista: Natalia da Araujo
Discussion about this post