Radio, online – Rezultadu husi Memorandum of Understanding (MoU) husi Sekretaria Estado Promosaun Igualdade (SEPI) ho Ministeriu Agrikultura no Peska (MAP) no Universidade Nasional Timor Lorosa’e (UNTL) hodi identifika katak, maioria feto mak sai agrikultor . Distritu mak tama iha peskiza hanesan Distritu Bobonaro, Ermera, Manatuto no Viqueuque. Peskiza ne’e halao durante fulan hat nia laran.
Aprezent rezultadu peskiza konaba agrikultura no jeneru ne’e halao iha salaun auditorium, UNTL Liceu Tersa, (23/8). Orsamentu ba peskiza ne’e hamutuk ho total U$ 80,000.00 hetan ajuda husi governu Norwegia.
Iha Sekertario Estado Promosaun Igualdade (SEPI) Idelta Maria Rodrigues hateten, peskiza jeneru ne’e halo hamutuk ho UNTL, tamba siensia jeneru ne’e buka iha universidade ne’e susar tebes. Peskiza ne’e sei hanesan matadalan ba MAP atu bele uza hodi hadia ba politika iha area jeneru ho agrikultura. SEPI mos bele hare lolos feto nia partisipasaun iha Agrikultor mane no feto nebe’e iha moris agrikultura no oinsa atu hetan rekuinesementu husi mane.
“Husi rezultadu ne’e feto nia involve-an barak liu mane, nune’e feto nia volume servisu sae maka’as liu mane,” Idelta informa tuir rezultadu peskiza ne’e.
Idelta hatutan, husi identifka distritu hat sai fatin peskiza hodi hetan igual rejion. Husi parte Leste disttritu 2 no parte Norte distritu 2. Nune’e mos distritu hat ne’e mak potensia ema moris iha agrikultura, liliu ba natar.
Iha fatin hanesan Ministru Akrikultura no Peskas Mariano Sabino Assanami fo kongratula ba involvementu feto iha moris agrikultura sae maka’as. Assanami dehan, ba oin MAP husu feto presiza invove iha area hortikultura. Hakiak animal hanesan manu, fahi, no hakiak ikan,
Assanami fo sai katak, MAP mos dala barak fo apoi ona ba feto sira hodi hari grupo. Hanesan industria halo mina nu. MAP apoia ba grupo feto atu sira hodio fila liman, maibe iha fatin balun la akontese.
“Hau husu ba povo hotu atu kria rasik komitmentu atu ita bele lao ba oin la be dependenti deit ba ema seluk,”nia sujere.
Discussion about this post